ماڵپەری قورئانی پیرۆز

        خواى گه‌وره‌ به‌نده‌کانى دروست کردووه‌ تاکو یادى بکه‌ن , وه‌ ڕزق و ڕۆزیان پێ ده‌به‌خشێ تاکو سوپاسی بکه‌ن , به‌ڵام  زۆرێک له‌ خه‌ڵکى سوپاسی غه‌یری خوا ده‌که‌ن , له‌به‌ر ئه‌وه‌ى سروشتى مرۆڤ به‌و جۆره‌یه‌ .... 

ده‌ڵێن باوکێک کوڕه‌که‌ی خۆی گه‌وره‌ کرد و خزمه‌تى کرد و پۆشته‌ى کرد و ئه‌ده‌بی فێرکرد , شه‌و نخونى به‌دیاره‌وه‌ ده‌کێشا و خۆی برسی ده‌کرد له‌ پێناو تێرى ئه‌ودا , ماندوو ده‌بوو له‌ پێناو حه‌وانه‌وه‌ی ئه‌ودا , کاتێ کوڕه‌ گه‌وره‌ بوو , بووه‌ دڕنده‌ بۆ گیانى باوکى , به‌ڵام خۆ ئه‌م باوکه‌ چاوه‌ڕوانى پاداشت نه‌بوو له‌لایه‌ن کوڕه‌که‌یه‌وه‌ ...

ئه‌مه‌ نابێت وابکا که‌ هاوکاری کردنى ده‌وروبه‌ر واز لێ بهێنین , به‌ڵکو ده‌بێ وامان لێ بکات کار بکه‌ین و خزمه‌تى خه‌ڵک بکه‌ین به‌ڵام له‌ به‌رامبه‌ردا چاوه‌ڕێی سوپاس نه‌بین , چونکه‌ پێ ده‌چێ سوپاس نه‌کرێین و ئه‌مه‌ش کاریگه‌ری خراپی له‌سه‌رمان هه‌بێت ...

کاری چاکه‌ بکه‌ له‌به‌ر خاتری خوا , له‌به‌ر ئه‌وه‌ى تۆ براوه‌ى له‌ هه‌موو حاڵه‌ته‌کاندا , چاو داپۆشینى ئه‌وه‌ى چاو داده‌پۆشێ له‌ ئاست  کاره‌ جوانه‌کانت زیانت پێ ناگه‌یه‌نێ , له‌به‌ر ئه‌وه‌ى تۆ چاکه‌ کاری , هه‌میشه‌ ده‌ستى به‌رز و باڵا باشتره‌ له‌ ده‌ستى نزم و بچوک ...

 

سه‌رچاوه‌ : 30 ڕێگه‌ بۆ به‌خته‌وه‌ری

نوسینی :د.عائض القرنی 

ئاماده‌كردنی : ژیار ئاكۆیی