ماڵپەری قورئانی پیرۆز

           به‌تاڵه‌کان له‌ ژیاندا ئه‌هلی غه‌یبه‌ت و شائیعاتن, له‌ خه‌ته‌رناکترین  حاڵه‌ته‌کانى بیر ئه‌و ڕۆژه‌یه‌ که‌ بێ کار ده‌بێت و وه‌ک ۆتۆمبێلێکی خێرای بێ شوَفێری لێ دێت که‌ ئه‌ملاولا ده‌کات ... 

هه‌ر ڕۆژێک بێ کار بویت خۆت ئاماده‌ بکه‌ بۆ خه‌م و خه‌فه‌ت , له‌به‌ر ئه‌وه‌ى ئه‌م ده‌ست به‌تاڵییه‌ سه‌رجه‌م دۆسییه‌کانى ڕابردو و ئێسته‌ و داهاتووت بۆ ده‌کاته‌وه‌ , ده‌تخاته‌ حاڵه‌تێکى پڕ وه‌هم و خه‌یاڵه‌وه‌ , بۆیه‌ ئامۆژگاریم بۆ خۆم و تۆش ئه‌وه‌یه‌ که‌ خۆمان سه‌رقاڵ بکه‌ین به‌ کارى به‌ به‌رهه‌مه‌وه‌ , چونکه‌ بێ کاری بکوژێکى  بێده‌نگى کات و ته‌مه‌نى تۆیه‌ ...

حه‌وانه‌وه‌ى به‌رده‌وام بێ ئاگاییه‌ , ده‌ست به‌تاڵ دزێکى لێ هاتووه‌ , ژیریش نێچیرێکى له‌به‌ر یه‌ک هه‌ڵوه‌شاوى ئه‌م جه‌نگه‌ وه‌همیه‌یه‌ ..

که‌واته‌ ئێستا هه‌سته‌ و نوێژ بکه‌ و بخوێنه‌ره‌وه‌ , بنوسه‌ و بیر بکه‌ره‌وه‌ , کتێبخانه‌که‌ت ڕێک بخه‌ , که‌م و کوڕی ماڵه‌که‌ت چاک بکه‌ , یان سود به‌ خه‌ڵکى بگه‌یه‌نه‌ تاکو ئه‌و کاته‌ به‌تاڵه‌ت پڕ بکه‌یته‌وه‌ ....

به‌ چه‌قۆی کار ملى بێ کاری ببڕه‌ , ئه‌و کات پزیشکانى جیهان زه‌مانه‌تى له‌ %٥٠ ى به‌خته‌وه‌ریت بۆ ده‌که‌ن , سه‌یری جوتیار و کرێکار و نانه‌وا بکه‌ وه‌ک بولبول گۆرانى به‌خته‌وه‌رى و ئارامى ده‌چڕن , تۆش له‌سه‌ر جێگه‌که‌ت فرمێسکه‌کانت ده‌سڕی و وه‌ک که‌سی مارانگه‌سته‌ په‌شۆکاوى ....

 

سه‌رچاوه‌ : 30 ڕێگه‌ بۆ به‌خته‌وه‌ری 

نوسینی : د.عائض القرنی 

ئاماده‌كردنی : ژیار ئاكۆیی