ماڵپەری قورئانی پیرۆز

          که‌سێتى که‌سێکى تر وه‌رمه‌گره‌ , وه‌ له‌ که‌سێتى که‌سێکى تردا مه‌توێره‌وه‌ , ئه‌مه‌ ناسۆری و خه‌مێکى به‌رده‌وامت بۆ دروست ده‌کا ..

زۆرن ئه‌وانه‌ى خودى خۆیانیان بیر چۆته‌وه‌ له‌ ده‌نگ و جوڵه‌ و وته‌ و توانا و زروفیاندا و هه‌میشه‌ ده‌یانه‌وێ وه‌ک که‌سێکى تر خۆیان بدوێنن ئه‌مه‌ش بوه‌ته‌ هۆی بارگرانى و سوتان و کوژانه‌وه‌ و له‌ده‌ستدانى گیان و خود ..

له‌ ئاده‌مه‌وه‌ هه‌تا کۆتا دروستکراو دوان شێوه‌یان وه‌ک یه‌ک نییه‌ , ئه‌ى بۆچى له‌ توانا و مه‌وهیبه‌ و ڕه‌وشتیاندا  وه‌ک یه‌ک بن .. 

تۆ شتێکى ترى , پێشتر له‌ مێژوودا وێنه‌ت نه‌بوه‌ و له‌ داهاتوشدا به‌ هه‌مان شێوه‌یه‌ , تۆ جیاوازی به‌ ته‌واوى له‌ زه‌ید و عه‌مر که‌واته‌ حه‌شری خودى خۆت مه‌که‌ له‌ مه‌یدانى چاو لێکه‌ری و توانه‌وه‌ و شوێنپێ هه‌ڵگرتندا ...

به‌و شێویه‌ گه‌وره‌به‌ که‌ هه‌ی , به‌و جۆره‌ بژی که‌ له‌سه‌رى دروست کراوى , ده‌نگت مه‌گۆڕه‌ , هه‌نگاوه‌کانت مه‌گۆڕه‌ , ده‌رونت به‌ وه‌حى پاک بکه‌ره‌وه‌ , به‌ڵام که‌سێتى خۆت مه‌کوژه‌ و سه‌ربه‌خۆیی خۆت له‌ ده‌ست مه‌ده‌ ..

تۆ تام و ڕه‌نگێکى جیاوازت هه‌یه‌ , به‌و تام و ڕه‌نگه‌شه‌وه‌ جوانى , وه‌ به‌و تام و ڕه‌نگه‌وه‌ه‌ تۆمان ده‌وێت ,  له‌به‌ر ئه‌وه‌ى به‌و جۆره‌ دروست بویت و به‌و جۆره‌ش ناسیومانى ...

خه‌ڵکى له‌ ته‌بیعه‌تیاندا زیاتر له‌ جیهانى دار و دره‌خت ده‌چن ..

ترش و شیرین , کورت و درێژ , به‌و جۆره‌ن , جا تۆش گه‌ر له‌ مۆز  ده‌چیت هه‌وڵمه‌ده‌ ببیته‌ کاڵه‌ک , له‌به‌ر ئه‌وه‌ى نرخ و جوانى تۆ له‌وه‌دایه‌ که‌ وه‌ک مۆز بیت , جیاوازى ڕه‌نگ و زمان و مه‌وهیبه‌ و تواناکانمان یه‌کێکه‌ له‌ ئایه‌ته‌کانى خوای گه‌وره‌ ...

 

سه‌رچاوه‌ : 30 ڕێگه‌ بۆ به‌خته‌وه‌ری

نوسینی : د.عائض القرنی 

ئاماده‌كردنی : ژیار ئاكۆیی