ماڵپەری قورئانی پیرۆز

١- وابتغ فيما اتاك الله الدار الآخرة :

گرنگترين ياسا ئەوەيە هەرچى پێت بەخشراوە لەلايەن خواى گەورە لە خزمەت ئاخيرەتى دابنێی ، چونكە ژيانى هەميشەيی وحەقيقی لەو لايە نەك لێرە بۆيە ووشەى ( الدار) بۆى بەكارهاتووە چونکە مەنزل وخانوو جێگاى حەوانەوە و نيشتەجێ بوونى هەميشەيی مرۆڤە، هەرچى دونيايە بە ( الدار) نەهاتووە بەڵكو بە (متاع و زينة ولهو و لعب ) بەكارهاتووە بۆى چونكە شوێنێكى كاتييە.

٢- ولا تنسى نصيبك من الدنيا:

واتا بەشی خۆتان لە دونيا لە بيرمەكەن، سبحان الله لەم تعبيرە ناسك وجوانە، واتا لەبەر ئاخيرەت وگرنگى دان بە ژيانى ئاخيرەت بەشى خۆت لەم دونيايەش لەبيرمەكە ، ئێمە  زۆرجار هەڵە تێدەگەين لەم ئايەتە و لە شوێنى خۆى بە كارى ناهێنين بەڵكو بەشى يەكەمى دەقرتێنين تەنها ئەو بەسە باس دەكەين ، كەواتە اصل هەوڵدان وكاركردن و بەخشين وكۆشش كردنە بۆ ئاخيرەت ، ئينجا دەڵێ بەشى ئەم دونيايەش لەبيرمەكە بەهۆى مەشغول بوونتان بە قيامەت.

٣- وأحسن كما أحسن الله إليك :

ياسای سێ يەم ئەوەيە چۆن خوا چاكەى لەگەڵ كردى تۆش لەگەڵ خەڵك چاكە بكە بەهەمان شێوە نەك وەكو قارون هەر كۆى بكەيتەوە و فيزى پێ لێبدەى ، ئەو مولك وسامانەى خوا ئەمانەتە پێت بەخشراوە و هەر كاتێك نەت توانى بيپارێزى ئەوا لێت وەردەگيرێتەوە.( هل جزاء الإحسان الا الإحسان). 

٤- ولاتبغ الفساد في الارض :                                                                                                  نابێ بەهۆى ئەم نيعمەتانەى كە خوا پێی بەخشيوى خراپە كارى پێ بكەى وبڵاوى بكەيتەوە لەسەر زەوى لەجياتى شوكرانەى خوا و بڵاوكردنەوەى چاكە وەكو قارون و هاوشێوەكانى لە هەموو كات و شوێنێكى سەر زەوى كە سياسەتى برسی كردن بەكاردێنن تاكو پەنا بۆ خراپە كارى ببەن بە ناچارى.

٥- ان الله لايحب المفسدين:

خواى گەورە لە هيچ كاتێك مرۆڤى خراپە كارى خۆش ناوێت بۆيە دەبێت خۆمان دووربگرين لەم سيفەتە خراپە.

هەركەسێك ئەم پێنج ياسايە تێبگات بە باشی و جێ بەجێ بكات ئەوا سەركەوتوو و بەختەوەرى هەردوو دونيا دەبێت.