ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئه‌بوئه‌یبوبی ئه‌نصاری) به گه‌نجی و پیری به‌ره‌و كۆڕی تێكۆشان بڕۆن .. (به‌شى ٢)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ به‌ڵێ.. پێغه‌مبه‌ر(صلى الله عليه وسلم) به‌رده‌وام بوو له‌سه‌ر وازهێنان له‌و دیاریكردنه بۆ قه‌ده‌ر كه هه‌نگاوه‌كانی
به‌ڕێوه ده‌بات..له پێناوی ئه‌وه‌شدا، ئه‌ویش ره‌شۆی وشتره‌كه‌ی واز لێ هێنابوو به‌ره‌ڵای كرد و به‌هیچ شێوه‌یه‌ك نه‌یگرتبوو و نه‌چووه سه‌ر رێی هه‌نگاوه‌كانی و، پڕ به دڵ رووی كرده خودا و به زمانی پاڕایه‌وه:
{خودایه چاكه‌م بۆ هه‌ڵبژێره و، هه‌ڵبژێره بۆم}..
جا له به‌رانبه‌ر ماڵی (به‌نی مالیكی كوڕی نه‌جاڕ)دا وشتره‌كه وه‌ستا.. پاشان هه‌ستایه‌وه‌و به ده‌وری جێگاكه‌دا سوڕایه‌وه‌و، دواتر گه‌ڕایه‌وه بۆ یه‌كه‌م جێگه‌ی راوه‌ستانی و، بارگه‌ی خست و، له‌و جێگایه‌دا جێگیر بوو و، پێغه‌مبه‌ریش (صلى الله عليه وسلم) به گه‌شبینی و دڵخۆشیه‌وه له‌سه‌ری دابه‌زی..
یه‌كێك له موسڵمانه‌كان به روخساری گه‌ش و خۆشحاڵیه‌وه هاته پێشه‌وه‌و، باره‌كه‌ی هه‌ڵگرت و، بردیه ماڵه‌وه‌ی و دواتر گه‌ڕایه‌وه داوای له پێغه‌مبه‌ر (صلى الله عليه وسلم) كرد كه بچێته ژوورێ و پێغه‌مبه‌ریش (صلى الله عليه وسلم) به شوێنیدا رۆیشت و پیت و فه‌ڕی لێ ده‌باری.
ئه‌رێ ده‌زانن ئه‌و به‌خته‌وه‌ره واده‌پێدراوه‌ی كه وشتره‌كه له‌به‌رده‌م ماڵه‌كه‌یدا وه‌ستا و، پێغه‌مبه‌ر (صلى الله عليه وسلم) بوویه میوانی و، هه‌موو خه‌ڵكی مه‌دینه خۆزگه‌یان به‌و به‌خت گه‌وره‌ییه‌ی ده‌برد..؟
ئه‌و پیاوه پاڵه‌وانی ئه‌م سه‌رگوزشته‌یه‌مانه.. ئه‌بوئه‌یوبی ئه‌نصاری.. (خالیدی كوڕی یه‌زید)ه، نه‌وه‌ی (مالیكی كوڕی نه‌جار).