ماڵپەری قورئانی پیرۆز

نووسينى /د.صلاح عبدالفتاح الخالدى/نووسينگه‌ى ته‌فسير///خودا فەرموویەتی دەبینین ئەم ئایەتە سزای بە لەبیرچوونەوەوە بەستۆتەوه‌ لەم شێوە ڕێكخستنەی قورئان بۆ كاروباری سزاو لەبیرچوونەوەدا مەسەلەیەكی گرنگ وەردەگرین، ئەویش پێویست بوونی بەیادهێنانەوەی

فەرمانەكانی خوداو حوكمەكانی وەبیرهێنانەوەی نەتەوەیە پێیان‌و بەردەوامیی سازكردن‌و هێشتنەوەی فەرمانەكان بەچاكەو ڕێگریەكان لە خراپە لە تێڕوانین‌و هەست‌و فیكری هەر تاكێكی ئەم نەتەوەیەدا، چونكە هەر ئەمە زامنی هێشتنەوەی ڕۆڵەكانی نەتەوەیە لە سنووری خۆیانداو، لەوابەستەییان‌و، دووركەوتنەوەیان لە سەرپێچی كردن‌و لە بەزاندنی سنوورەكان، هەروەها لەم شێوە ڕێكخستنەدا مەسەلەیەكی تری گرنگ بەدیی دەكەین، ئەویش ترسناكیی لەبیركردنی ئەركەكان‌و ئامۆژگاریەكانە لەلایەن ڕۆڵەكانی نەتەوەوە، چونكە لەبیركردنیان‌و ولێ بێئاگابوونیان حاڵەتێكی سووكایەتی پێكردن‌و بێباكی لەلای خەڵكی دروست دەكات، ئەمەش سەردەكێشێت بۆ سنوور شكاندنیان‌و سەرپێچی لێكردنیان، جا ئەگەر ئەو ڕۆڵانەی نەتەوە لە بێ‌باكی‌و لەبیرچوونەوەدا سەرنگووم بن، ئەوا ڕاستییە ئایینییەكان‌و سوننەتە خودایییەكان‌و، حوكمە شەرعییەكانیان لەبیردەچێتەوە، بەم ڕەنگەش لە بازنەی هزرو تێڕوانین‌و هەستیشیان دەردەكەن دوای ئەوەی لە بازنەی بەبیرهێنانەوەو بایەخ‌و پابەندیی‌و كارپێكردن دەریان كردبوو. خۆ ئەگەر ڕۆڵەكانی نەتەوە بگەنە ئەم پلەی لەبیرچوون‌و بێئاگایییە، ئەوا گشت، پەیوەندییەكیشیان بەخودا، یان بە ئایین، یان بەشەرعەوە لەدەست داوەو ئیدی شایستەی كەوتنەبەر سزای خودابوون.