ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هەسارەكانی كۆمەڵەی خۆر پێشبینی دەكرێت (11) بن نەك (9)..له‌قورئاندا
نووسينى //سه‌روره حسن //نووسينگه‌ى ته‌فسير ///خوای گەورە دەفەرموێت: {إِذْ قَالَ يُوسُفُ لِأَبِيهِ يَا أَبَتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ (4)} [يوسف]، واتە: كاتێك یوسف بە باوكی وت: باوكی بەڕێزم! من لە خەومدا یازدە هەسارە و خۆر و
مانگم بینی كڕنوشیان بۆ دەبردم.
تائێستا زانایان نۆ هەسارە لە هەسارەكانی كۆمەڵەی خۆریان دۆزیوەتەوە (ئەگەرچی ڕا وەهاش هەیە كە هەشتن) ، پێدەچێت لە داهاتووشدا دوو (یان سێ) هەسارەی تر، وەك سەلماندنی خەوەكەی یوسف، بدۆزنەوە.
لە ڕۆژانی دابەزینی قورئاندا پێنج هەسارە ناسرابوون. دوای داهێنانی بنكەكانی تێڕوانینی گەردوونی ژمارەی هەسارەكان گەیشتنە نۆ هەسارە. هاوسەنگی گەردوونی لە كەماڵدایە، هەربۆیە بەر لە دۆزینەوەیان پێشبینی هەبوونی هەریەكە لە هەسارەكانی نیبتۆن و بلۆتۆ كرابوون، واتە لە ڕێگای ئەژماركردنە گەردوونییەكانەوە سەرەتا دۆزرانەوە و لە پاشانیش بەهۆی تێڕوانینەوە، بینران و ئاشكراكران.
شایانی ئاماژەپێدانە ئەژماركردنی كۆمپیوتەری گەردوونزانی نوێوە بوونی هەسارەیەكی لە دوای پلۆتۆوە دۆزیوەتەوە كە تا هەنووكە نەبینراوە، ئەو هەسارەیە ناونراوە (بروسوبینا) و دەوروبەری (10ملیار كیلۆمەتر) لەخۆرەوە دوورە.
هەروەها زانایان پێشبینی بوونی هەسارەیەكی تریشیان لەنێوان خۆر و عەتاردا كردووە و ناویانناوە (فولكانو) كە ئەویش تائێستا نەبینراوە. ئەگەر بوونی ئەم دوو هەسارەیەش بەتەواوی سەلمێنرا، ئەوا ژمارەی هەسارەكانی كۆمەڵەی خۆر دەبێتە (11) نەك (9).