ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عه‌بباسی کوڕی عبدالمطلب) ئاوگێڕی مه‌ککه ..
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ له ساڵێكی وشكه‌ساڵیدا، ئه‌و ساته‌ی خواپه‌رستان و ڵات تووشی برسێتی و نه‌هاتی هاتن، ئه‌میری باوه‌ڕداران (عومه‌ر) و موسڵمانان به‌ره‌و ده‌شتی
فراوانی ده‌ره‌وه هاتنه ده‌رێ نوێژی باران بارین ئه‌نجام بده‌ن و، رووبكه‌نه خودای خاوه‌ن به‌زه‌ییان كه هه‌ورو بارانیان بۆ بنێرێ...
(عومه‌ر) راوه‌ستا، له‌كاتێكدا كه ده‌ستی راستی (عه‌باس)ی به ده‌ستی راستی خۆی گرتبوو، به‌رزی كرده‌وه بۆ ئاسمان و، وتی:
{خودایا، ئێمه نوێژه‌بارانه‌مان به پێغه‌مبه‌ره‌كه‌ت (صلی الله علیه وسلم) ئه‌نجام ده‌دا كه له نێوماندا بوو..
خودایه ئه‌مڕۆش ئێمه به مامه‌ی پێغه‌مبه‌ره‌كه‌ت (صلی الله علیه وسلم) نوێژه‌بارانه ده‌كه‌ین، ده‌سا بارانمان بۆ ببارێنه..}.
جا موسڵمانه‌كان له جێگای خۆیاندا نه‌جوڵان هه‌تا هه‌ور هات و، باران ده‌ستی كرد به بارین و، مژده‌ی به‌خشیه‌وه‌و، جۆگه‌كانی تێرئاو كرد و، زه‌وی به‌پیت كرد.
هاوه‌ڵانیش به‌ره‌و رووی (عه‌باس) بوونه‌وه‌و، ده‌ستیان ده‌كرده ملی و، ماچیان ده‌كرد و، پیرۆزباییان لێده‌كرد و، ده‌یانوت:
{پیرۆز بێت لێت.. ئه‌ی ئاوگێڕی مه‌ككه}..
جا ده‌بێ ئه‌م ئاوگێڕه‌ی مه‌ككه كێ بێت..؟؟
ئه‌وه كێ‌یه كه (عومه‌ر) به‌هۆیه‌وه په‌نای برده لای خودا.. (عومه‌ر)یش وه‌ك ده‌زانین چه‌نده به ته‌قوا و له‌پێش بوون و خاوه‌ن جێ و شوێنه لای خودا و پێغه‌مبه‌ره‌كه‌ی (صلی الله علیه وسلم) و لای بڕواداران..؟
ئه‌و پیاوه (عه‌باس)ه، مامی پێغه‌مبه‌ری خوایه (صلی الله علیه وسلم).
پێغه‌مبه‌ریش (صلی الله علیه وسلم) هێنده‌ی خۆش ده‌ویست به‌و ئه‌ندازه‌یه‌ش رێزی لێده‌ناو، له ستایش و پیاهه‌ڵدانی چاكه‌مه‌ندیدا ده‌یفه‌رموو:
{ئه‌مه پاشماوه‌ی باووباپیرانمه}...