ماڵپەری قورئانی پیرۆز

ئەمەش سرووش (وحی)ی پێویستی بانگەواز بۆ لای خوداو ئامۆژگاری كردنی نەتەوەو بەیادخستنەوەی حوكمەكانی خودامان) پیشان دەدات، چونكە ڕاپەڕاندنی ئەم ئەركە بەتەنیا خۆی ڕێگەی رزگاریی بانگەوازكارانە لە سزا لەوكاتەدا، كە تووشی یاخی‌و سەرپێچی كاران دەبێت.

خودا لەمبارەیەوە لە جێگەیەكی تری قورئاندا فەرموویەتی

(دەبوایە لەنێو خەڵكی زەمانی پێش ئێوەدا كەسانی ژیرو چاكەخوازو دیندار هەبوایە، كە ڕێگرییان لە خراپەو تاوان بكردایە لەسەر زەوی، كەچی لەوانەی ڕزگارمان كردن كەم بوون، چونكە زۆربەی خەڵكی لە سنووری فەرمانی خودا دەرچوون‌و دوای هەواو ئارەزووو خۆشیەكانی دنیا كەوتن. ئیدی بەو كردارە نابەجێ‌یانەیان چوونە ڕیزی تاوانكارانەوە، خودای پەروەردگاریش هەرگیز بەناڕەوا خەڵكی شارو دێهاتەكانی لەناو نەبردووە، ئەگەر خەڵكە نیشتەجێكانیان كەسانی  چاكەخوازو باش بووبن).

بەڕاستی كاتێك سەرپێچی‌و خراپەكاریی هەموو ئوممەت دەگرێتەوە، لەوكاتەدا پێویستە بانگەوازكاران ئەركی ئامۆژگاری‌و بەیادخستنەوە بەجێ‌ بگەیەنن‌و ڕێگریی لە خراپەو بەدكاریی بكەن، تاكو خۆیان لە سزای ڕزگاركەن، چونكە هەر ئەوەیە ڕێگەی ڕزگاری‌و سەرفرازیی.