ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (٥٣) ی سورەتی (الزمر) : { قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ } (کۆتایی)
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / هه‌روه‌ها (طبراني) به (سند) ێكى لاواز ده‌گێڕێته‌وه, ده‌ڵێت : پێغەمبەرى خوا (صلی الله علیه وسلم) ناردى به شوێن (وحشى) دا كه بكوژى (حمزة) بوو و بانگى كرد بۆ
ئيسلام و ئه‌ويش وه‌ڵامى بۆ ناردو وتى: چۆن تۆ بانگه‌شه‌ى من ده‌كه‌يت له‌كاتێكدا هه‌ر خۆت ده‌ڵێى : هه‌ر كه‌سێ پياو بكوژێ يان زينا يان هاوه‌ڵ بۆ خوا په‌يدا بكات ئه‌وا ده‌كه‌وێته ناو تاوانه‌وه, سزاى بۆ سه‌خت ده‌كرێت له قيامه‌تدا و به‌هه‌تا هه‌تايى له دۆزه‌خدا ده‌مێنێته‌وه به ڕيسوايى , ده‌ى منيش ئه‌وه‌م كردووه ئايا هيچ ده‌روازه و به‌هانه‌يه‌كم بۆ ده‌دۆزيته‌وه ؟ ئنجا ئايه‌تى : { إِلَّا مَن تَابَ وَآمَنَ وَعَمِلَ صَالِحًا } نازڵ کرده خواره‌وه ، وتى : له‌وه ده‌چێت من تواناى به‌جێهێنانى ئه‌م مه‌رجه‌م نه‌بێت, پاشان خواى گه‌وره ئايه‌تى : {إِنَّ اللَّهَ لا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ }ی دابه‌زاند. (وحشى) وتى : ئه‌مه‌ش له‌دواوه باسى ويستى خۆى تيايه, جا من نازانم لێم خۆش ده‌بێت ياننا ؟ ئايا جگه له‌مه شتيكى تر يا ڕێگايه‌كى تر هه‌يه ؟ ئنجا خواى گه‌وره ئايه‌تى : { يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ } نازڵ کرده خواره‌وه , پاشان (وه‌حشى) وتى : ئه‌مه‌يان به‌ڵێ : ئه‌وجا موسوڵمان بوو باوه‌ڕى هێنا.