ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
له پێناو په‌روه‌رده‌یه‌کی دروستی نه‌وه‌کانمان (7)به‌ڵێن و په‌یمانێکیان پێ مه‌ده‌ن که بۆتان جێبه‌جێ ناکرێت یان ناتانه‌وێ جێبه‌جێی بکه‌ن:
به‌ڵێن و په‌یمانێکیان پێ مه‌ده‌ن که بۆتان جێبه‌جێ ناکرێت یان ناتانه‌وێ جێبه‌جێی بکه‌ن: یه‌کێکی تر له هه‌ڵه‌کان که به‌داخه‌وه باوه له کۆمه‌ڵگه‌ی ئێمه به‌رامبه‌ر به په‌روه‌رده‌کردنی منداڵه‌کانمان ئه‌ویش بریتیه له
وه‌عدو به‌ڵێندان به منداڵه‌کانمان و دواتر جێبه‌جێ نه‌کردنیان، زۆر پێویسته که وه‌عدو به‌ڵێنمان پێدان بۆیان جێبه‌جێ بکه‌ین چونکه ده‌بێ بزانین منداڵ شت له‌بیر ناکات و به‌رده‌وام له چاوه‌ڕوانی ئه‌و وه‌عدو به‌ڵێنانه‌یه که پێی دراوه، به‌داخه‌وه کۆمه‌ڵگه‌ی ئێمه ئازایه له جێبه‌جێ کردنی سزاکان به‌سه‌ر منداڵه‌کان به‌ڵام ئازانین له جێبه‌جێ کردنی پاداشت و وه‌عدو به‌ڵێنه‌کانمان، ئه‌وه‌ش وا ده‌کات که منداڵ هه‌ست به‌که‌می (الشعور بالنقص)ی لا دروست ببێت و هه‌ست نه‌کات که خاوه‌نی خودی خۆیه‌تی به‌مه‌ش سه‌ربه‌ستی له‌ده‌ست ده‌دات، وه فێره درۆی ده‌کات، له ئه‌نجام ئه‌و جۆره هه‌ڵس و که‌وته ده‌بێته هۆکاری ئه‌وه‌ی که منداڵ به دوای بدیل و ئه‌لته‌رناتیڤی دایک و باوک بگه‌ڕێ، وه زۆر جاریش به‌هه‌ڵه تفسیرو راڤه‌ی هه‌ندێک شت ده‌که‌ین که وانیه بۆ نموونه زۆربه‌ی جار ئێمه‌ی دایک و باوک سه‌ربه‌خۆبوونی منداڵه‌کانمان به جۆرێک له هه‌ڵگه‌ڕانه‌وه‌و ده‌رچوون ده‌زانین له خێزان، نه‌خێر ئه‌و جۆره بیرکردنه‌وه‌و لێکدانه‌وه هه‌ڵه‌ن و به‌ڵکو سه‌ربه‌خۆبوونی منداڵ واتا وه‌رگرتنی رای منداڵ به تایبه‌ت له کاتی شت بۆ کرین له وێنه‌ی جلو به‌رگ و پۆشاک و یاری..هتد، ئه‌مه‌ش بۆ ئه‌وه‌ی به‌خته‌وه‌ری بۆ دروست بکه‌ین له لایه‌ک و له لایه‌کی تر متمانه به خۆبوون (الثقة بالنفس)ی بۆ دروست بکه‌ین، ئێمه زۆر جار وه‌عدو به‌ڵێن به منداڵه‌کانمان ده‌ده‌ین بۆ ئه‌وه‌ی له جوله‌و بزێوی بخه‌ین که ئه‌مه‌ش ده‌بێته هۆکاری که‌بت کردن و نه‌هێشتنی گه‌شه‌ی منداڵ له رووی عه‌قلی و توانسته ژیریه‌کان و لێهاتنه‌کانیه‌وه، ئه‌وه‌مان بیر نه‌چێت که دونیای منداڵ دونیایه‌کی پڕ جوله‌یه‌و پێویسته رێگه بده‌ین سود له دونیایه‌ی وه‌ربگرێت و تمتع به سه‌رده‌می منداڵیه‌تی خۆی بکات.
أبوبکر سلێمان محمد