ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عه‌بباسی کوڕی عبدالمطلب) ئاوگێڕی مه‌ککه .. (به‌شی ٥)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ هه‌موو چاكه و باشێـتی ئه‌و ئه‌وه‌بوو كه له‌گه‌ڵ سه‌ركرده‌كانی قوڕه‌یشدا زیانی به موسڵمانان نه‌ده‌گه‌یاند و سته‌می لێ
نه‌ده‌كردن و، به‌و كارانه‌یان رازی نه‌بوو، به ناچاری و بێزاری له‌گه‌ڵیاندا به‌ره‌و غه‌زای به‌در هاتوه.گه‌ر (ئه‌بو بوخته‌ر) ئه‌وه حاڵی بێت، ئه‌وا به‌هۆی تكاكردنی پێغه‌مبه‌ره‌وه (صلی الله علیه وسلم) بۆی سه‌ركه‌وتنی بۆ خوێنی به‌ده‌ست هێنا تا نه‌ڕژێت و، بۆ ژیانیشی هه‌تا تیانه‌برێت..
جا ئایا موسڵمانێك كه ئیسلام بوونی خۆی شاردبێته‌وه، شایسته‌تر نیه به‌و تكاكردنه.. پیاوێك كه له سه‌رخستنی ئیسلامدا هه‌ڵوێستی دیاری هه‌بێت و، هی دیكه‌شی كه په‌رده‌ی شاراوه‌ی به‌سه‌ردا دابێت..؟؟
به‌ڵێ.. (عه‌باس) به‌راستی ئه‌و موسڵمانه و، ئه‌و سه‌رخه‌ره بوو..
ده‌با تۆزێ بگه‌ڕێینه‌وه بۆ دواوه تا سه‌رنج بده‌ین..
* * *
له په‌یمانی عه‌قه‌به‌ی دووه‌مدا كاتێك كه له وه‌رزی حه‌جدا شاندێكی ئه‌نصار هاتن بۆ مه‌ككه كه حه‌فتا و سێ پیاو و دوو ئافره‌ت بوون، تا په‌یمان بده‌ن به خودا و پێغه‌مبه‌ره‌كه‌ی (صلی الله علیه وسلم) و، پێكبێت له‌گه‌ڵ پێغه‌مبه‌ردا (صلی الله علیه وسلم) كه كۆچ بكات بۆ مه‌دینه، پێغه‌مبه‌ر(صلی الله علیه وسلم) هه‌واڵی ئه‌و شانده و ئه‌و په‌یمانه‌ی گه‌یانده مامی و.. پێغه‌مبه‌ر (صلی الله علیه وسلم) له هه‌موو بیروبۆچوونه‌كانیدا متمانه‌ی به‌مامی هه‌بوو..