ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عه‌بباسی کوڕی عبدالمطلب) ئاوگێڕی مه‌ککه .. (به‌شی ٦)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ كاتێكیش واده‌ی ئه‌و كۆبوونه‌وه‌یه هات كه به نهێنی و په‌نهانی ئه‌نجام درا، پێغه‌مبه‌ر (صلی الله علیه وسلم) و مامی به یه‌كه‌وه هاتنه ده‌ره‌وه به‌ره‌و
ئه‌و جێگایه‌ی كه ئه‌نصاریه‌كان چاوه‌ڕوانیان ده‌كرد.
(عه‌باس) ویستی كه راده‌ی راستی خه‌ڵكه‌كه تاقی بكاته‌وه‌و په‌یمانی ته‌واویان لێ وه‌ربگرێت بۆ پێغه‌مبه‌ر (صلی الله علیه وسلم)..
با لێبگه‌ڕێین یه‌كێك له ئه‌ندامانی شانده‌كه هه‌واڵه‌كه‌مان بۆ بگێڕێته‌وه، وه‌ك بیستویه‌تی و دیویه‌تی:
ئه‌و كه‌سه‌ش (كه‌عبی كوڕی مالیك)ه (خوا لێ ی ڕازی بێت):
{... جا له دۆڵێكدا دانیشتین چاوه‌ڕوانی پێغه‌مبه‌ری خوامان(صلی الله علیه وسلم) ده‌كرد هه‌تا هات و (عه‌باسی كوڕی عبدالمطلب)ی له‌گه‌ڵدا بوو.. (عه‌باس) قسه‌ی كرد و وتی: ئه‌ی خه‌ڵكی خه‌زره‌ج، (موحه‌ممه‌د) وه‌ك ده‌زانن له ئێمه‌یه و، له هۆزه‌كه‌ی خۆمان پاراستومانه و ئه‌و له نێو هۆزه‌كه‌یدا سه‌رفرازه و رێ لێ‌گیراوه له شاره‌كه‌یدا، به‌ڵام ئه‌و پێی خۆش نیه و حه‌ز ده‌كات به‌لای ئێوه‌دا بشكێته‌وه‌و بگاته لاتان..
خۆ گه‌ر ئێوه ئه‌مه‌كدارن به‌رامبه‌ر ئه‌و به‌ڵێنانه‌ی پێتان داوه‌و، ده‌یپارێزن له‌وانه‌ی كه دژایه‌تی ده‌كه‌ن، ئه‌وا ئێوه و ئه‌وه‌ی هه‌ڵتان گرتووه..
خۆ گه‌ر ئێوه وای ده‌بینن كه وه‌ریده‌گرن و سه‌رشۆڕی ده‌كه‌ن له‌پاش هاتنی بۆ لاتان، ئه‌وا له ئێستاوه وازی لێ بێنن}...
(عه‌باس) ئه‌و وشه یه‌كلاكه‌ره‌وه جه‌خت له‌سه‌ر كراوانه‌ی ده‌كرد و، چاوه‌كانیشی وه‌ك چاوی هه‌ڵۆ بڕیبووه روخساری ئه‌نصاریه‌كان.. چاودێری كاریگه‌ری قسه‌كانی و كاردانه‌وه‌ی خێرای ده‌كرد..
(عه‌باس) ته‌نها به‌وه‌ش وازی نه‌هێنا، زیره‌كیه مه‌زنه‌كه‌ی، زیره‌كیه‌كی كرداری بوو له بواری ماددیدا ده‌چێته سه‌ر راستیه‌كان و، رووبه‌ڕووی هه‌موو ره‌هه‌نده‌كانی ده‌بێته‌وه وه‌ك وردبینێكی پسپۆڕ.
ئا لێره‌دا به پرسیارێكی زیره‌كانه كه ئاراسته‌ی ئه‌نصاریه‌كانی كرد و درێژه‌ی به قسه‌كانی دا و وتی:
{شه‌ڕم بۆ باس بكه‌ن، كه چۆن به‌رامبه‌ر دوژمنه‌كه‌تان ده‌جه‌نگن}..!!؟؟