ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سورەتی النور(٨) ...واتاى ئايه‌ت
نووسينى /م.عادل كريم /ئا :نه‌جات رواندزى///جياوازى نێوان ( الاستئناس) و( الاستئذان):لەم سورەتە ئەم دوو ووشەيە بەكارهاتووە كە مانايان لێك نزيكە بەڵام جياوازيشيان هەيە لەم ڕووەوە زانايان قسەى جوانيان نوسيووە؛
١- الاستئناس: لە أنس هاتووە ئەويش حاڵەتێكى هۆگرى نەفسييە پێش (الاستئذان) بەكاردێت تاكو بزانى ئەو كەسەى دەتەوێ سەردانى بكەيت لە ڕووى نەفسييەوە مرتاحە ، ئايا ئامادەيە ودڵخۆشە بەم سەردانەى تۆ يان نا، ئەوەش لە حاڵەتى دەم وچاو و شێوەى قسەكردن و ئاوازى دەنگى خاوەن ماڵ بۆت بەدەردەكەوێت ، جا كاتێك ئەو ڕووخۆشی و ئامادە باشيەت بينى لە خاوەن ماڵ ئينجا (الاستئذان) واتا داواى چوونە ژوورەوە دەكەیت. ئەگەر نا بگەڕێتەوە باشترە بە تايبەت ئەگەر خۆى پێی گووتي.
٢- دەكرێ بگووترێ (الاستئناس) بۆ كەسی بێگانەيە و بۆ دەرەوەى ماڵ بەكاردێت و( الاستئذان) بۆ ناو ماڵ بۆ ئەو كەسانەى كە لەگەڵت دەژين لە ماڵەوە جا خزمەتكار بێت، شوفێربێت يان هەركەس و كارێكت بێت لە ژوورێك بۆ ژوورێكى تر دەبێ إذن وەربگرن لە ٣ حاڵەت پێش نوێژى بەيانى و لە نيوەڕۆ كاتێك جل دادەكەنيت و دواى نوێژى عيشا
( ياايها الذين آمنوا ليستئذنكم الذين ملكت ايمانهم والذين لم يبلغوا الحلم منكم ثلاث مرات ) اية ٥٨.
هەروەك خواى گەورە داوادەكات منداڵيش ئەگەر بالغ بوو پێويستە إذن وەربگرێت و لەدەرگاى ژوورى دايك وباوك بدات:
(فإذا بلغ الأطفال منكم الحلم فليستئذنوا كما استئذن الذين من قبلهم) اية ٥٩
٣- خواى گەورە ئەم تعليمات و ڕێنماييانە بە آيات ناودەبات لە كۆتايی هەردوو ئايەتەكەش دەفەرمووێ (كذلك يُبين الله لكم ) چونكە خوا خۆى دەزانێ بە ناوناخى مرۆڤەكان كەچى تێدايە و چ لاوازيەكى تێدايە لەم بوارەوە بۆيە حكمەت لەم ڕێنماييانەى باش بەدى دەكرێت بۆ ئەوەى ناخى مرۆڤەكان بە پاكى بمێنێتەوە و ئارەزووى بۆ شتى خراپ نەچێت!!