ماڵپەری قورئانی پیرۆز

نووسينى /د.صلاح عبدالفتاح الخالدى //نووسينگه‌ى ته‌فسير///ڕووە شارراوەكانی قورئان ئەو زانیاریانەن، كە قورئان لە چیرۆكەكاندا ڕوونی نەكردوونەوەو، كە پەیوەستن بەسەردەمی چیرۆكەكە، یان بەشوێنەكەی، یان كەسەكانی، یاخود بەڕووداوەكانییەوە.

جا ئەگەر قورئان شاردبنییەوەو، فەرموودە (حدیث)یش شاردبنییەوەو باسیان لێوە نەكردبن، ئیتر ئێمە ناتوانین ڕوونیان بكەینەوە، یان دیارییان بكەین، یان بیانزانین، هەروەها لەو جۆرە باسانەدا وتەی هیچ مرۆڤێكیش پەسەند ناكرێت، كە دەربارەی ڕوون كردنەوەی زانیارییە شارراوەكانی بێت هەتا ئەوكاتەی بەڵگەی ڕۆشن، كە لێیەوە وەرگرتووە دەخاتەڕوو، لەو كاتەشدا لە بەڵگەكەی دەكۆڵینەوە، ئەگەر بەڵگەكە ئایەتێكی مانا دیار، یان فەرموودەیەكی ڕاست (صحیح) بوو ئەوا وەریدەگرین، دەنا ئەو وتەیەی ڕەت دەكرێتەوەو، ڕوونكردنەوەكەشی پەسەند ناكەین.