ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
كرداری داماڵین شاخەكانی بۆ تەختانی و دەشت گۆڕیوە...له‌قورئاندا
نووسينى /سه‌روه‌ر حسن //نووسينگه‌ى ته‌فسير ///خوای گەورە دەفەرموێت:{الَّذِي جَعَلَ لَكُمُ الْأَرْضَ فِرَاشًا وَالسَّمَاءَ بِنَاءً وَأَنْزَلَ مِنَ السَّمَاءِ مَاءً فَأَخْرَجَ بِهِ مِنَ الثَّمَرَاتِ ڕزْقًا لَكُمْ فَلَا تَجْعَلُوا لِلَّهِ أَنْدَادًا وَأَنْتُمْ تَعْلَمُونَ (22)} [البقرة]، واتە: ئەو زاتە (الله) زەوی كردووە بە فەرش
و جێگای نیشتەجێبوون و ژیان بۆتان.
یان دەفەرموێت:{وَالْأَرْضَ فَرَشْنَاهَا فَنِعْمَ الْمَاهِدُونَ (48)} [الذاريات]، واتە: زەویشمان ڕاخستووە (ژیانمان لەسەری ئاسانكردووە) بەڕاستی خوا زاتێكی كارساز و كاربەجێیە.
هەروەها دەفەرموێت: {وَاللَّهُ جَعَلَ لَكُمُ الْأَرْضَ بِسَاطًا (19) لِتَسْلُكُوا مِنْهَا سُبُلًا فِجَاجًا (20)} [نوح]، واتە: هەر خوا زەوی بۆ ڕاخستوون، تا (بە ئارەزووی خۆتان) پیایدا بگەڕێن لە ڕێگا فراوانەكاندا.
ئایەتە پیرۆزەكان ئاماژە بەوە دەدەن كە بەشێكی تەنكی توێكڵی زەوی خوای گەورە سازاندوویەتی تاكو دروست و شیاو بێت بۆ ژیانی ئاژەڵ و ڕووەك و ئامادەییەك بۆ پێشوازی لە مرۆڤ... لەڕاستیدا لێكۆڵینەوە زانستیەكان بەتەواوی هاوتای ئایەتە پیرۆزەكانن.
زانایان دەڵێن: توێكڵی زەوی لەدوای ئەوەی بارستەیەكی ئاگرین بووە، لەدوای تێپەڕبوونی ملیۆنان ساڵ گۆڕاوە بۆ چینێكی ڕەقبوو كە بەرز و نزمی قووڵی هەبووە، پاشان فاكتەرەكانی داماڵین (تعریە) هات و شاخەكانی گۆڕی بۆ گرد و بۆ دەشت و ڕێڕەو و جۆرگەلی جیاوازی خاك و شیاو و گونجاو بۆ مانەوەی مرۆڤ و ئاژەڵان لەسەری.