ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عه‌بباسی کوڕی عبدالمطلب) ئاوگێڕی مه‌ککه .. (به‌شی ١١)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ئا لێره‌دا كه پێغه‌مبه‌ری خوا(صلی الله علیه وسلم) ئا له‌و هه‌ڵوێسته‌دایه، (عه‌باس) له ته‌نیشیه‌وه بوو، بگره له
به‌رده‌میدا بوو، ره‌شۆی وڵاخه‌كه‌ی گرتبوو، به‌گژ مردن و مه‌ترسیدا ده‌چوو..
پێغه‌مبه‌ر(صلی الله علیه وسلم) فه‌رمانی پێكرد كه هاوار له خه‌ڵكه‌كه بكات، (عه‌باس)یش كه‌سێكی به‌خۆوه بۆی ده‌نگ گه‌وره بوو، ده‌ستی كرد به بانگ كردنیان:
{ئه‌ی خه‌ڵكی ئه‌نصار..
ئه‌ی خاوه‌ن به‌ڵێنه‌كان}..
وه‌ك ئه‌وه‌ی ده‌نگی بانگبه‌ری قه‌ده‌ر و ترسێنه‌ری بێت..
خێرا هه‌ڵاتوانی به‌رده‌م ناڕه‌حه‌تیه له‌ناكاوه‌كه‌ی زرینگانده‌وه، كه له‌و لاو ئه‌ولای دۆڵه‌كه‌دا بڵاوبووبوونه‌وه‌و، هه‌تا به یه‌ك ده‌نگ وه‌ڵامیان دایه‌وه:
{لبیك.. له خزمه‌ت داین.. له خزمه‌ت داین}..
هه‌ڵگه‌ڕانه‌وه‌و وه‌ك ڕه‌شه‌با گه‌ڕانه‌وه، هه‌تا یه‌كێكیان وشتره‌كه‌ی یان ئه‌سپه‌كه‌ی نه‌ده‌ڕۆیشت، له‌سه‌ری داده‌به‌زێ و شمشێر و زرێیه‌كه و كه‌وانه‌كه‌ی هه‌ڵده‌گرێت و، به‌ره‌و لای ده‌نگی (عه‌باس) ده‌چوو..
سه‌رله‌نوێ شه‌ڕه‌كه.. به‌شێوه‌یه‌كی خوێناوی و، توند ده‌ستی پێكرده‌وه..
پێغه‌مبه‌ری خوداش(صلی الله علیه وسلم) هاواری كرد:
{ئێستاكه شه‌ڕ گه‌رم بووه}...
به‌راستیش شه‌ڕ گه‌رم بووبوو..
كوژراوانی (سه‌قیف) و (هه‌وازن) خزان و، ئه‌سپه‌كانی خودا زاڵا بوون به‌سه‌ر ئه‌سپه‌كانی لاتدا و، خوای گه‌وره سه‌بووری خۆی به‌سه‌ر پێغه‌مبه‌ره‌كه‌ی و بڕواداراندا باراند..!!