ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عه‌بباسی کوڕی عبدالمطلب) ئاوگێڕی مه‌ککه .. (به‌شی ١٢)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ پێغه‌مبه‌ری خوا (صلی الله علیه وسلم) (عه‌باس)ی مامی زۆر زۆر خۆشده‌ویست، هه‌تا ئه‌و رۆژه‌ی غه‌زای به‌در ته‌واو بوو
نه‌نوست، كه مامه‌ی له‌نێو دیله‌كاندا شه‌وی برده سه‌ر..
پێغه‌مبه‌ریش (صلی الله علیه وسلم) ئه‌و سۆزه‌ی خۆی نه‌شارده‌وه كاتێك له‌باره‌ی خه‌وزڕانه‌كه‌یه‌وه پرسیاری لێكرا، له كاتێكدا خوای گه‌وره سه‌ركه‌وتنێكی بێ‌وێنه‌ی پێ‌به‌خشیبوو، له وه‌ڵامدا فه‌رمووی:
{گوێم له نكه‌نكی (عه‌باس) بوو به به‌ستراوه‌یی}..
هه‌ندێك له موسڵمانه‌كان گوێبیستی قسه‌كانی پێغه‌مبه‌ر (صلی الله علیه وسلم) بوون و، یه‌كێكیان خێرا به‌ره‌و شوێنی دیله‌كان چوو، كۆته‌كانی (عه‌باس)ی شل كرد و، گه‌ڕایه‌وه و هه‌واڵی دا به پێغه‌مبه‌ری خودا (صلی الله علیه وسلم) و پێی وت:
{ئه‌ی پێغه‌مبه‌ری خودا (صلی الله علیه وسلم)..
من له كۆته‌كانی (عه‌باس)م هه‌ندێك شل كرد}..
به‌ڵام بۆ ته‌نها (عه‌باس)..؟
ئا لێره‌دا پێغه‌مبه‌ر (صلی الله علیه وسلم) به هاوه‌ڵه‌كه‌ی فه‌رموو:
{بڕۆ وا له هه‌موو دیله‌كان بكه}..
به‌ڵێ، خۆشه‌ویستی پێغه‌مبه‌ر (صلی الله علیه وسلم) به‌رامبه‌ر مامه‌ی، ئه‌وه ناگه‌یه‌نێت كه جیای بكاته‌وه له‌و خه‌ڵكه‌ی كه ره‌وشێكی وه‌ك یه‌ك كۆی كردونه‌ته‌وه..
كاتێكیش بڕیاردرا فیدیه له دیله‌كان وه‌ربگیرێت، پێغه‌مبه‌ر (صلی الله علیه وسلم) فه‌رمووی به مامه‌ی:
{ئه‌ی عه‌باس..
فیدیه‌ی خۆت و، -عه‌قیلی كوڕی ابوطالب-ی برازات و، -نه‌وفلی كوڕی حارس- و، -عوتبه‌ی كوڕی عه‌مر-ی برای -حارسی كوڕی فه‌هر-ی هاوپه‌یمانت بده، تۆ خاوه‌ن سامانیت}...
(عه‌باس) ویستی كه بێ فیدیه‌دان له دیلی ده‌رباز بێت، بۆیه وتی:
{ئه‌ی پێغه‌مبه‌ری خوا (صلی الله علیه وسلم)، من موسڵمان بووم، به‌ڵام هۆزه‌كه‌م به‌زۆر هێنامیان}..
به‌ڵام پێغه‌مبه‌ر (صلی الله علیه وسلم) سوور بوو له‌سه‌ر ئه‌وه‌ی كه فیدیه بدات و، بۆ ئه‌و بۆنه‌یه ئایه‌تی قورئانی پیرۆز هاته خواره‌وه‌و فه‌رمووی: