ماڵپەری قورئانی پیرۆز

واتا: خوا بەڵێنى دڵنيا بەخش و تەواوى داوە بەوانەى كە باوەڕيان هێناوە لە ئێوە و كاروكردەوەى چاكيان ئەنجامداوە، كە لە ئايندەيەكى نزيكدا جێنشين و پايەداريان دەكات لەسەر زەويدا هەر وەك چۆن ئيماندارانى پێش ئەوانى جێنشين كردووە و ئەو دين و ئاينەيان بۆ دەچەسپێنێ كە خوا پێی ڕازييە ، هەروەها ترسيان بۆ دەگۆڕێت بە ئارامی وهێمنی ، ( ئەوكاتە ئيتر بە تەواوى) هەر ئەو دەپەرستن و هەرگيز هيچ جۆرە هاوەڵ و شەریكێكم بۆ بڕيارنادەن، ئەوسا ئەوەى دواى ئەو پايەدارييە كافر و حەقپۆش بێت ، ئا ئەوانە تاوانبار و لە سنوور دەرچووەكانن) تەفسيرى ئاسان.

-بەڵام كێن ئەوكەسانە و سيفاتەكانيان چييە هەر لەم سورەتەدا هەندێ سيفەتيان باس دەكات لەوانە:

١- ( رجال لاتلهيهم تجارة ولابيع عن دكر الله واقام الصلاة وايتاء الزكاة يخافون يوما تتقلب فيه القلوب والابصار) اية٣٧

واتا : پياوانێك هەم كە بازرگانى وكڕين و فرۆشتن سەرگەرميان ناكات وغافل نابن لەيادى خوا و ئەنجامدانى نوێژەكان و بەخشينى زەكات و لە ڕۆژێك دەترسن كە دڵەكان و چاوان تيايدا ئاوەژوو دەبن( لە ترس وهەيبەتى ئەو ڕۆژە(.

٢- ) انما كان قول المؤمنين اذا دعوا الى الله ورسوله ليحكم بينهم ان يقولوا سمعنا واطعنا واولئك هم المفلحون) اية٥١

واتا: گوفتارى ئيمانداران كاتێك كە بانگ دەكرێن بۆلاى خوا و پێغەمبەرەكەى تا فەرمانڕەوايی بكات لە نێوانياندا تەنها ئەوەيە كە دەڵێن : گوێڕايەڵ و فەرمانبەردارين، هەرئەوانەش سەرفرازن.

٣- (ومن يطع الله ورسوله ويخش الله ويتقه فاولئك هم الفائزون)٥٢

واتا: ئەوەى فەرمانبەردارى خوا و پێغەمبەرەكەى بكات ولە خوابترسێت و لەسەر پێچى ونافەرمانى خۆى بپارێزێ، بێ گومان ئەوانە سەرفراز و سەركەوتوون.

- لە كۆتاييدا وەعد و پەيمانى خودا هەر دێتە جێ لە هەموو كات و شوێنێك بەڵام ئەگەر ئێمە خاوەنى ئەم سيفەتە ئيمانيانە بووين  !!