ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه گشتیه‌کان له نوێژدا ..(١٩)نوێژکردن له‌کاتى ئاماده‌بوونى خواردن و ته‌نگاوبووندا: (کۆتایی)
وه‌رگێڕانى : ناصح ئیبراهیم سازانى / پێشه‌وا نه‌وه‌وى ده‌ڵێ: ئه‌م فه‌رمودانه به‌ڵگه‌ن له‌سه‌ر ئه‌وه‌ى نوێژکردن که‌راهه‌تى هه‌یه بۆ که‌سێک نانى بۆ ئاماده‌کرابێت ئه‌ویش برسی بێت و بیه‌وێت نان بخوات, بۆ ئه‌وه‌ى دڵ
سه‌رقاڵى خواردنه‌که نه‌بێ و خه‌یاڵ نه‌ڕوات بۆلاى و خشوع به ته‌واوى له‌ده‌ست نه‌درێت, هه‌روه‌ها که‌راهه‌تى هه‌یه له‌کاتێکدا که پیسى و میز زۆری پێهێنان نوێژ ئه‌نجام بده‌ن, ئه‌مه‌ش له‌مانادا په‌یوه‌ندى هه‌یه به‌وه‌ى پێشووه‌وه له‌به‌ر ئه‌وه‌ى دڵ سه‌رقاڵ ئه‌بێ و خه‌یاڵ ئه‌ڕوات و خشوع به ته‌واوى له‌ده‌ست ئه‌درێت.
فه‌رموده‌ى: (وَلاَ يَعْجَلَنَّ حَتَّى يَفْرُغَ مِنْهُ). واته: په‌له مه‌که‌ن تاته‌واو ده‌بن, ئه‌و کاته هه‌ستن به‌ده‌م نوێژه‌که‌تانه‌وه. به‌ڵگه‌یه له‌سه‌ر ئه‌وه‌ى تێر بخۆن, ئه‌مه‌ش راستیه‌که‌یه‌تى. به‌لآم ئه‌وه‌ى هه‌ندێ له هاوه‌لآنمان لێکیان داوه‌ته‌وه‌و ده‌یڵێن پاروویه‌ک بخورێت بۆ ئه‌وه‌ى تینى برسێتیه‌که که‌مکاته‌وه راست نیه, چونکه ئه‌م فه‌موده به ئاشکرا ئه‌و نوێژه به‌تاڵ ده‌کاته‌وه .
پرسیار کرا له ئیبن ته‌یمیه ده‌رباره‌ى که‌سێک که ته‌نگه‌تاوى میز بێت: ئایا به‌و ده‌سنوێژه‌وه نوێژ بکات به‌و ته‌نگه‌تاویه چاکتره یان خۆی رزگار بکات و ده‌ست نوێژه‌که‌ى پووچه‌ڵ بکاته‌وه‌و ته‌یه‌مموم بکات له‌به‌ر بێ ئاوى؟
ئه‌ویش به‌م شێوه‌یه وه‌لآمى دایه‌وه: نوێژه‌که‌ى به ته‌یه‌مموم چاکتره به‌بێ راگرتنى میزه‌که, له‌وه‌ى به ده‌سنوێژه‌وه نوێژ بکات و میزى راگرتبێت چونکه نوێژه‌که‌ى به‌و حاڵه‌وه که‌راهه‌تى هه‌یه‌و نه‌هی لێ کراوه. بۆ دروستیه‌که‌ى دوو ریوایه‌ت هه‌یه: به‌لآم نوێژه‌که‌ى به ته‌یه‌مموم دروسته و که‌راهه‌تى نیه به یه‌کده‌نگى زانایان. خواى په‌روه‌ردگاریش زاناتره .