ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عه‌بباسی کوڕی عبدالمطلب) ئاوگێڕی مه‌ککه .. (کۆتایی)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ [ێاأَیُّهَا النَّبِیُّ قُلْ لِمَنْ فِی أَیْدِیكُمْ مِنْ اڵاَسْرَی إِنْ ێعْڵمْ اللَّهُ فِی قُلُوبِكُمْ خَیْرًا یُۆْتِكُمْ خَیْرًا مِمَّا أُخِژَ مِنْكُمْ ۆێغْفِرْ ڵكُمْ ۆاللَّهُ غَفُورٌ رَحِیمٌ: ئه‌ی پێغه‌مبه‌ر! (صلی الله علیه وسلم) تۆ به‌و
دیلانه بڵێ كه له‌به‌ر ده‌ستی ئێوه‌دان، ئه‌گه‌ر خودا ئاگای لێبێ چاكه‌یه‌كتان له‌دڵدایه، چاكتر له‌وه‌ی لێتان سه‌نراوه پێتان ده‌داته‌وه و لێتان خۆش ده‌بێ، خودا له گوناهان ده‌بوورێ و دلۆڤانه.]اڵانفال/٧٠.
به‌مجۆره (عه‌باس) فیدیه‌ی له‌بری خۆی و ئه‌وانه‌ی له‌گه‌ڵیدا بوون دا و، به‌ره‌و مه‌ككه گه‌ڕایه‌وه..
له‌دوای ئه‌وه قوڕه‌یش عاقڵمه‌ندی و چاوڕوونیه‌كه‌یان بۆ نه‌خه‌ڵه‌تێنرا، پاش ماوه‌یه‌ك سامانه‌كه‌ی كۆكرده‌وه‌و شت و مه‌كه‌كه‌ی هه‌ڵگرت و ، خۆی گه‌یانده لای پێغه‌مبه‌ر (صلی الله علیه وسلم) له خه‌یبه‌ر، تا شوێنی خۆی له كه‌ژاوه‌ی موسڵمانان و كاروانی بڕواداراندا به‌ده‌ست بهێنێت و.. بۆیه جێگای خۆشه‌ویستی و رێزێكی گه‌وره لای موسڵمانان، به‌تایبه‌ت كه رێز و خۆشه‌ویستی پێغه‌مبه‌ریان (صلی الله علیه وسلم) به‌رامبه‌ری ده‌بینی و گوێیان لێ‌ده‌بوو له‌باره‌یه‌وه ده‌فه‌رموێ:
{عه‌باس له‌جێگه‌ی باوكمه..
جا هه‌ركه‌س ئازاری (عه‌باس) بدات ئازاری منی داوه}
ئه‌مجا (عه‌باس) نه‌وه‌یه‌كی پیرۆزی خسته‌وه.
كه (عبدالله ی كوڕی عه‌باس)ی زانای ئوممه‌ت یه‌كێكه له‌و نه‌وه پیرۆزانه‌ی.
* * *
له رۆژی هه‌ینی چوارده‌ی مانگی ره‌جه‌بی ساڵی سی و دووی كۆچی خه‌ڵكی به‌رزاییه‌كانی مه‌دینه گوێبیستی هاواركارێك بوون جاڕی ده‌دا:
{ره‌حمه‌تی خوا له‌و كه‌سه بێت ئاماده‌ی ناشتنی (عه‌باسی كوڕی عبدالمطلب) ده‌بێت}.
تێگه‌یشتن كه (عه‌باس) مردووه..
ئه‌مجار خه‌ڵكێكی بێ‌شومار هاتنه ده‌ره‌وه بۆ ناشتنی به‌جۆرێ كه شاری مه‌دینه شتی وه‌های به‌خۆوه نه‌دیبوو..
خه‌لیفه‌ی ئه‌و رۆژه (عوسمان) (ڕه‌زاى خواى له‌سه‌ر بێت) نوێژی له‌سه‌ركرد و..
له‌ژێر خاكی (به‌قیع)دا جه‌سته‌ی (ئه‌بولفه‌چل).. به چاوگه‌شی، له نێو ئه‌و چاكه‌خوازانه‌دا كه راستیان كرد له‌گه‌ڵ ئه‌و به‌ڵێنه‌یان دا كه به په‌روه‌ردگاریان دابوو ئۆقره‌ی گرت و حه‌وایه‌وه..!!