ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئه‌بو هوره‌یره) خه‌یاڵگه‌ی سه‌رده‌می وه‌حی (به‌شی ٣)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ له‌ساڵى حه‌وتى کۆچیدا له کاتێکدا که پێغه‌مبه‌ر (صلی الله علیه وسلم) له خه‌یبه‌ر بوو، هاته خزمه‌تى پێغه‌مبه‌ر (صلی الله علیه وسلم) و به ویستى خۆى و
په‌رۆشییه‌وه موسڵمان بوو.
له‌و ساته‌وه‌ى که پێغه‌مبه‌رى (صلی الله علیه وسلم) بینى و په‌یمانى پێدا هه‌رگیز لێى جودا نه‌ده‌بوویه‌وه له‌کاتى خه‌وتندا نه‌بێت..
به‌م جۆره ئه‌و چوار ساڵه بۆخۆى ته‌مه‌نێک بوو.. ته‌مه‌نێکى فراوان و زۆر و، پڕ له گوفتار و کردار و گوێگرتنى چاک بوو..
* * *
(ئه‌بوهوره‌یره) به‌هۆى فیتره‌تى راستى خۆیه‌وه ئه‌و رۆڵه گه‌وره‌یه‌ى خۆى بۆ ده‌رکه‌وت که ده‌توانێـت بۆ خزمه‌تکردنى ئایینى پیرۆزى ئیسلام ئه‌نجامى بدات..
پاڵه‌وانانى جه‌نگ له‌نێو هاوه‌لآندا زۆرن..
فوقه‌ها و، بانگخوازان و مامۆستایان زۆرن..
به‌لآم ژینگه و کۆمه‌ڵه‌که نووسین و نووسه‌رى تێدا نه‌بوو.
له‌و سه‌رده‌مانه‌دا، هه‌موو گرۆى ئاده‌میزاد، نه‌ک به ته‌نها عه‌ره‌ب، گرنگیان به نووسین نه‌ده‌دا و، نووسین له نیشانه‌کانى پێشکه‌وتنى هیچ کۆمه‌ڵگایه‌ک نه‌بوو.
بگره ئه‌وروپاش به‌هه‌مان شێوه بوو تا چه‌ند چه‌رخێکى له‌مه‌وبه‌ر.
زۆربه‌ى پادشانشینه‌کانیشیان، له‌سه‌روى هه‌موویانه‌وه (شارلمان) نه‌خوێنده‌وار بوون، خوێندنه‌وه‌و نووسین ئاشنا نه‌بوون، له هه‌مان کاتدا خاوه‌نى زیره‌کى و توانایه‌کى چاک بوون..