ماڵپەری قورئانی پیرۆز

لێرەدا پرسیارێك سەرهەڵدەدا ئایا ئێستا لە ناو موسڵمانان چەند سەرکردەی ئیسلامی و بانگخواز و بیرمەند و شێخ و و مامۆستایانی ئایینی و دام و دەزگای ئایینی و ڕادیۆ و تیڤی وسەنتەری ئیسلامی و بنکەی لەبەرکردنی قورئانی پیرۆز کەناڵی ئاسمانی و نووسەری فەیسبوك و ڕاگەیانکاری ئیسلامی لەگەڵ ئەم هەموو سەرچاوە و کتێب و ڕیسالەی ماستەر و دکتۆرا لە بوارە ئایینییەکان و حوجری فەقێیان و سەنتەری دراساتی ئیسلامی وئەو هەموو بارەگا ڕێپێدراوە ئیسلامیانە وبنکە وڕێکخراوی قوتابیان و لاوان و.....هتد بۆ هەتا ئێستا نەیانتوانیوە فەرمانڕەوایەکی دادپەروەر بێننە ئاراوە ، ڕۆژ بە ڕۆژ حاڵمان خراپتر دەبێت، گەندەڵی و ستەم زیاتر دەبێ ئەو دام ودەزگاو ڕێکخراوانەش کاریگەرییان لەسەر شانۆی ژیان سستتر دەبێ! ئایا کاتی ئەوە نەهاتووە ئەو پرسیارە لە خۆمان و دەور و بەرمان وئەوانیش بکەین ، یان هەر سورەتی الکهف بخوێنینەوە و لەبەری بکەین بێ ئەوەی کاریگەری هەبێ لەسەر بیرکردنەوەمان و لەسەر ژیانمان !