ماڵپەری قورئانی پیرۆز

نووسينى /د.صلاح عبدالفتاح الخالدى /نووسينگه‌ى ته‌فسير ///ئەم چیرۆكە لە دەقی قورئاندا، ئاوەها هاتووە، كە خوا فەرموویەتی:.كورتەی واتای ئایەتەكـان:كاتێك كۆمەڵێك لە ئەهلی كیتاب-كە جوولەكەكان بوون- پێغەمبەرێكیان لەلایەن خواوە-كە دوا پێغەمبەر

محمد صلى الله عليه‌ وسلم بوو - بۆ هات‌و سەرەڕای ئەوەی محمد صلى الله عليه‌ وسلم بوو پشتگیری لە ڕاستیی تەوڕات دەكرد، كەچی ئەوان كتێبەكەی خوا (تەوڕات)یشیان پشتگوێ‌ خست‌و خۆیان لەو ناوەڕۆكەی نادان كرد، وەك ئەوەی گوایە نەزانن‌و نەیانبیستبێت، كە هەواڵی ئەم دوایین پێغەمبەری ی تێدایە‌و، كە دەبێت باوەڕی پێ‌ بێنن‌و شوێنكەوتووی بن. ئیتر جوولەكەكان وازیان لە كتێبەكەی خواو (تەوڕات)یش هێنا‌و شوێنی نەكەوتن، بەڵكو دوای ئەو هەواڵە درۆ‌و ناڕاستانە كەوتن كە شەیتانەكان دەربارەی موڵك‌و دەسەڵاتدارێتیی (سولەیمان) دەیانخوێندەوە‌و لە ماوەی حوكمی سولەیماندا بە خەڵكیان دەگەیاند. بەڵام خۆ (سولەیمان) كافر‌و بێ‌باوەڕ نەبووە، بەڵكو شەیتانەكان خۆیان كافر بوون‌و، خەڵكیان فێری سیحر‌و جادوگەریی دەكرد. هەروەها خەڵكیان فێری ئەو مەسەلانە دەكرد، كە بۆ (هارووت‌و مارووت) لە بابل دابەزی بوو، كە دوو فریشتە بوون لە بابەتدا‌و مەبەستیشیان ئاگاداركردنەوەی خەڵكی بوو لە فڕوفێڵی سیحر‌و جادووگەریی، (تاكو پێی فریو نەدرێن)، بەڵام ئەم دوو فریشتەیە كەسیان فێری هیچ نەدەكرد، هەتا پێ‌یان نەگوتایە (ئێمە بۆ تاقیكردنەوە‌و هەڵسەنگاندنین‌و تۆش خۆ بێ‌باوەڕ مەكە)، كەچی هەندێك كەسیان لەو بەدكارییەدا بەردەوام بوون‌و قسە‌و باسی وەها سەیر‌و سەمەرەیان لەو دوو فریشتەیەوە دادەتاشی، كە ژن‌و مێردیان پێ‌ لە یەكتر جیادەكردنەوە، هەرچەندە ئەو جادووگەرانە ناتوانن زیان بەكەس بگەیەنن (مەگەر تەنها بە ئیرادەی خوا نەبێت‌و بۆ كەسێكیش، كە خۆی بیسەر‌و بڕواپێكەریان بێت). خەڵكی گومڕا‌و سەرگەردانیش، هەمیشە شتێك فێر دەبن، كە زیانیان پێ‌دەگەیەنێت، نەك سوودی هەبێت بۆیان، بێگومان ئەوان چاك دەزانن،