ماڵپەری قورئانی پیرۆز

وه‌رگێڕانى : ناصح ئیبراهیم سازانى / بۆ نمونه‌ که‌سێک کاتێک ده‌چێته‌ مزگه‌وت ده‌بینێت پێشنوێژ له‌گه‌ڵ نوێژگه‌ران له‌ رکوع یان له‌ سه‌جده‌دان, ئه‌ویش به‌ده‌نگی به‌رز ده‌ڵێ:

(الله اكبر). زۆرجار هه‌ندێ نوێژخوێن واده‌زانن (الله اكبر)ى پێشنوێژه‌و نوێژه‌که‌یان لێ تێک ده‌چێت و له‌ روکنێک له‌ روکنه‌کانى نوێژدا پێچه‌وانه‌ى پێشنوێژ ده‌جوڵێنه‌وه‌... واجبه‌ وریاى ئه‌م سه‌رپێچیه‌ بین. کاتێ که‌سێک چووه‌ مزگه‌وت ده‌بێت به‌بێ ده‌نگى و له‌سه‌رخۆ (الله اكبر) بکات هه‌تا نه‌بێته‌ هۆی ئازاردانى براکانى.

شێخ (علي محفوظ) ده‌ڵێ: یه‌کێ له‌و بیدعانه‌ى له‌ نوێژدا که‌راهه‌تی هه‌یه‌, ئه‌وه‌یه‌ شوێنه‌ نهێنیه‌کان وه‌ک شوێنه‌ ئاشکراکان ئه‌نجام ده‌ده‌ن ئه‌ویش به‌وه‌ى (أعوذ بالله من الشيطان الرجيم) و پاڕانه‌وه‌ى نوێژدابه‌ستن و ته‌سبیحات به‌ ده‌نگى به‌رز ده‌ڵێن... ئه‌مه‌ش نه‌کراوه‌ و نه‌بووه‌ له‌سه‌رده‌مى پێغه‌مبه‌ردا صلى الله علیه‌ وسلم, هه‌روه‌ها له‌سه‌رده‌مى هاوه‌لآن و شوێن که‌وتوانیشیاندا, که‌ ئه‌وانه‌ش پێشه‌نگن بۆ ئێمه‌, ئه‌گه‌ر شوێنى ئه‌وان نه‌که‌ویین ئه‌ى شوێنى کێ بکه‌وین, کێ بکه‌ینه‌ پێشه‌نگ بۆ خۆمان؟ .