ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئه‌بو هوره‌یره) خه‌یاڵگه‌ی سه‌رده‌می وه‌حی (به‌شی ٤)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ده‌گه‌رێینه‌وه بۆ قسه‌كانی خۆمان، تا بیبینین كه (ئه‌بو هوره‌یره) به‌هۆی فیتره‌تیه‌وه پێداویستی ئه‌و كۆمه‌ڵگا نوێیه‌ی كه ئیسلام
بوونیاتی ده‌نێت درك پێ ده‌كات بۆ كه‌سانێك كه كه‌له‌پوور و داب و نه‌ریته‌كانی بپارێزێت، له‌و رۆژانه‌دا ژماره‌یه‌كی كه‌می هاوه‌ڵان هه‌بوو ده‌یانزانی بنووسن، پاشان هه‌ندێكیان ده‌رفه‌تی ئه‌وه‌یان نه‌بوو كه پێغه‌مبه‌ر(صلی الله علیه وسلم) هه‌رچی فه‌رموو تۆماری بكه‌ن..
(ئه‌بوهوره‌یره) ش خوێنده‌وار نه‌بوو، به‌ڵكو له‌به‌ركار بوو، خاوه‌نی ئه‌و ده‌رفه‌ته‌ش بوو، یان خۆی یه‌كلاكردبووه‌وه بۆ ئه‌و مه‌به‌سته‌ی، چونكه خاوه‌نی زه‌وی و زارێك نه‌بوو تا بیچێنێت و بازرگانیشی نه‌بوو تا به‌دوایدا بچێت!!
ئه‌و كاتێ خۆی بینی دره‌نگ موسڵمان بوو، سووربوو له‌سه‌ر ئه‌وه‌ی كه قه‌ره‌بووی ئه‌وه بكاته‌وه كه له‌ده‌ستی چووه، ئه‌مه‌ش به‌وه‌ی كه شوێن پێی پێغه‌مبه‌ر(صلی الله علیه وسلم) هه‌ڵبگرێت و بچێته كۆڕ و دانیشتنه‌كانیه‌وه..
پاشان ئاشنای ئه‌و به‌هره‌یه‌ی خۆی بوو كه خوای گه‌وره پێی به‌خشیبوو، كه ئه‌ویش بیری فراوانی به‌هێزی بوو، كه به‌هۆی نزای پێغه‌مبه‌ره‌وه(صلی الله علیه وسلم) به‌وه‌ی كه خوای گه‌وره پیرۆزتری بكات بۆ خاوه‌نی پرشنگدار و فراوانتر و به‌هێزتر بوو..جا ئیدی بۆ نه‌بێته یه‌كێك له‌وانه‌ی كه له‌به‌ركردنی ئه‌و كه‌لتوره له ئه‌ستۆیان بگرن و بۆ نه‌وه‌كانی داهاتووی بگوازنه‌وه..؟؟
به‌ڵێ.. ئه‌مه رۆڵی ئه‌وه كه به‌هره‌كانی سازی كردبوو بۆ ئه‌نجامدانی و، له‌سه‌ری پێویست بوو كه به‌بێ ته‌مبه‌ڵی پێی هه‌ستێت..