ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
قورئانى پیرۆز چۆن چاره‌سه‌رى شكست و بیَئومیَدى كردووه؟
ئاماده‌كردنى /سه‌روه‌ر حه‌سه‌ن :مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
به‌شی یه‌كه‌م
هه‌ر مرۆڤ ئومێدی له هه‌موو شتێك له ده‌ست دابێتده‌توانێت چی بكات ؟چۆن ده‌توانێت له‌و دونیاو له دوا رۆژدا سه‌ركه‌وتوو بێت خواى په‌روه‌ردگار بانگى ئه‌و كه‌سه بێهیوایانه ده‌كات كه هه‌ڵه و تاوان و سه‌رپێچیان ئه‌نجامداوه، لێوان له سۆز و میهره‌بانیه‌وه بانگیان ده‌كات،
په‌روه‌ردگار ده‌فه‌رموێت:{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53) وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ (54)} [الزمر]، واته: (ئه‌ى پێغه‌مبه‌ر (صل الله علیه وسلم) پێیان) بڵىَ: (خوا ده‌فه‌رموێت) ئه‌ى به‌نده‌كانم! ئه‌وانه‌ى كه خۆتان گوناهبار كردووه و هه‌ڵه‌تان زۆره، نائومێد مه‌بن له ڕه‌حم و به‌زه‌یى خوا، چونكه به‌ڕاستى ئه‌گه‌ر ئێوه ته‌وبه‌ى ڕاست و دروست بكه‌ن، خوا له هه‌رهه‌موو گوناه و هه‌ڵه‌كانتان خۆش ده‌بێت، چونكه بێگومان ئه‌و خوایه زۆر لێخۆشبوو و لێبورده‌یه و زۆر به‌سۆز و میهره‌بانیشه. هه‌وڵبده‌ن هه‌میشه و به‌رده‌وام دڵتان لاى خوا بێت و بگه‌ڕێنه‌وه بۆ لاى په‌روه‌ردگارتان و ته‌سلیمى ئه‌و بن، پێش ئه‌وه‌ى سزاى خوا یه‌خه‌تان بگرێت، له‌وه‌ودواش سه‌ركه‌وتوو نابن و كه‌س نابێت به‌رگریتان لىَ بكات. له‌م بانگه‌وازه‌دا خواى گه‌وره فه‌رمان به بێهیواكان ده‌كات كه هه‌رگیز ئومێدیان به ڕه‌حم و به‌زه‌یى خوا له‌ده‌ست نه‌ده‌ن، هه‌واڵیان ده‌داتىَ تاوانه‌كان و شكست و سه‌رپێچیه‌كان و سه‌رجه‌م جۆره‌كانى زیاده‌ڕۆیى كه ئه‌نجامیان داوه، خواى گه‌وره له چاوتروكانێكدا ده‌یانسڕێته‌وه به مه‌رجێك كه‌سه‌كه به دڵێكى ساغ و ته‌ندروسته‌وه بۆلاى خوا بگه‌ڕێته‌وه. دواتر له‌و سزایه ئاگاداریان ده‌كاته‌وه كه ئه‌گه‌ر په‌شیمان نه‌بنه‌وه، ڕووبه‌ڕوویان ده‌بێته‌وه. ئایه‌تى یه‌كه‌م هه‌واڵى ئیجابى دێنێت و ئایه‌تى دووه‌م هه‌واڵى سه‌لبى، ئایه‌تى یه‌كه‌م ده‌رباره‌ى لێخۆشبوون و به‌زه‌یى خوا و بێئومێد نه‌بوون ده‌دوێت:{وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ (54)} [الزمر] ئایه‌تى دووه‌میش ئاگادارى ده‌دات له سه‌ره‌نجامى نه‌گه‌ڕانه‌وه بۆلاى خوا كه سزاى خوایى به‌دوادا دێت.
زنجيره‌ى قورئان و زانست (4)
قورئان و گه‌ردوونناسى له نوسينگه‌ي ته‌فسير