ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
30 ڕێگە بۆ بەختەوەری // ڕێگەی دەیەم // لەگەڵ ناخۆشیدا خۆشی هەیە
نوسینی : د.عائض القرنی ...ئامادەكردنی : ژیار ئاكۆیی .....ئەی مرۆڤ : لەپاش برسێتی تێرییە , لەپاش تونێتی تێراوییە , لە پاش ماندووبوون خەوتنە , لە پاش نەخۆشی شیفایە , دەگونجێ دواكەوتوو بگاتە جێ و لادەر ڕێگەی ڕاست بگرێ , لیقەوماو دەروی لێ بكرێتەوە و تاریكی بڕەوێتەوە ,
ئەگەر بیابانت بینی درێژبۆتەوە بزانە كە كۆتاییەكەی باخ و باخاتی سەوز و سێبەری درێژ و چڕ و ئاوی سازگارە ....
ئەگەر گوریست بینی هەر ئەستور بوو بزانە كە كاتێك دێت دەبێت بپچرێت ..
لەگەڵ فرمێسكدا خەندە , لەگەڵ ترسدا ئاسایش , لەگەڵ پەشۆكاندا ئارامی ...
خۆشەویستمان لە ئەشكەوتدا مژدە بە هاوەڵی دەدا كە خودامان لەگەڵە ئیتر ئارامی و ئاسایش باڵی كێشا بەسەریاندا ...
بەندەكان هەمیشە بەهۆی ئەو زروفەی كە تیایدا دەژین تەنها تەنها خەم و ماندوو بوون و ئازار دەچێژن لەبەر ئەوەی تەنها چوار دیواری ژورێك و دەرگاكەی دەبینن , خۆ ئەگەر فراوانتر بیر لە ژیان بكەنەوە ئەوا دەتوانن گۆڕانكاری گەورە ئەنجام بدەن , لەبەر ئەوە كە حاڵێكتان بەسەردا هات وا مەزانن ئیتر تەواو , نەخێر بەڵكو ڕۆژان ڕۆژیان لەدوایە و مرۆڤیش لەیەك قاڵبدا نامێنێتەوە ...
باشترین بەندایەتیش چاوەڕوانی كرانەوەی دەرگای ڕەحمەتی خوایی یە , بەڵكو خوای گەورە لەو كارەدا خێرێكی دانابێ و ئێمە پێی نەزانین , وە لەگەڵ هەموو ناخۆشییەكدا خۆشییەك هەیە ....
سەرچاوە : 30 ڕێگە بۆ بەختەوەری