ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئه‌بو هوره‌یره) خه‌یاڵگه‌ی سه‌رده‌می وه‌حی (به‌شی ٧)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ كاتێك (ئه‌بوموسای ئه‌شعه‌ری)یشی نارد بۆ عێراق، پێی وت:
{تۆ ده‌چیت بۆ لای كه‌سانێك كه مزگه‌وتیان هه‌یه وه‌ك پوره‌ی هه‌نگ به قورئانه‌وه سه‌رقاڵن، جا وازیان لێ بێنه به‌وه‌ی كه
پێوه‌ی سه‌رقاڵن و، سه‌رقاڵیان مه‌كه به فه‌رمووده‌وه‌و، له‌وه‌شدا من هاوبه‌شتم}..
قورئانیش به‌شێوه‌یه‌كی زۆر زامن كۆكرایه‌وه، بێ‌ئه‌وه‌ی شتی دیكه‌ی تێ‌بكه‌وێت كه تێیدا نه‌بوبێت..
به‌ڵام فه‌رمووده‌كان (عومه‌ر) ناتوانێت زه‌مانه‌ی ئه‌وه بكات كه زیاده یان ساخته‌ی تێدا نه‌كرێت، یان بكرێته هۆكارێك بۆ درۆكردن به‌ده‌م پێغه‌مبه‌ری خوا (صلى الله عليه وسلم) و لێدانی ئیسلام..
ئه‌بوهوره‌یره‌ش رێزی تێڕوانینه‌كه‌ی (عومه‌ر)ی ده‌گرت، به‌ڵام له هه‌مان كاتدا متمانه‌ی به‌خۆی و ده‌ست پاكی خۆی هه‌بوو، نه‌یده‌ویست كه ئه‌و فه‌رمووده و زانیاریانه نه‌دركێنێت كه له‌و بڕوایه‌دایه شاردنه‌وه‌یان تاوان و تیاچوون بێت.
به‌م جۆره.. هیچ ده‌رفه‌تێكی نه‌ده‌دۆزیه‌وه بۆ خستنه‌ڕووی ئه‌وه‌ی له سنگیدایه له فه‌رمووده كه بیستویه‌تی و تێی گه‌یشتووه جگه له گێڕانه‌وه و باسكردنی..
* * *
له‌گه‌ڵا ئه‌وه‌شدا هۆكارێكی گرنگ هه‌بوو، كه رۆڵێكی گه‌وره‌ی هه‌بوو له وروژاندنی ناڕه‌حه‌تی بۆ ئه‌بوهوره‌یره، به‌هۆی زۆر گێڕانه‌وه‌و باسكردنی فه‌رموده‌كانیه‌وه.
چونكــه لـه‌و رۆژگــاره‌دا فه‌رمووده‌ناسـێكی دیكـه هـه‌بوو كـه فـه‌رمووده‌ی لـه پێغه‌مبه‌ره‌وه (صلى الله عليه وسلم) ده‌گێڕایه‌وه و زیاده‌ڕه‌وی تێدا ده‌كرد و، موسڵمانانیش له هاوه‌ڵان دڵنیا نه‌بوون له زۆری فه‌رمووده گێڕانه‌وه‌ی، كه ئه‌ویش (كه‌عبی ئه‌حبار) بوو كه پێشتر جوله‌كه بوو پاشان موسڵمان بوو.