ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
فشاری دەروونی و ئارامگرتن..له قورئاندا
نووسينى /سه‌روه‌ر حسن /نووسينگه‌ى ته‌فسير///توێژینەوە پزیشكی و دەروونییەكان جەخت لەسەر كاریگەری گەورەی گوشارە دەروونییەكان دەكەنەوە كە مرۆڤ توشیان دێت لەسەر ئەدای كۆئەندامی بەرگری. توێژینەوەیەك
كە لە گۆڤاری Proceeding of the National Academy of science دا بڵاوكرایەوە ئاشكرایكرد و زانایان تیایدا سەلماندیان كە خانە بەرگرییەكانی ئافرەت توشی پیربوونی پێشوەخت دەبن ئەگەر گرفتاری فشارە دەروونییە بەرزەكان ببن.
ئەم ئاكامە ڕەهەندێكی نوێ بۆ كاریگەرییەكانی فشاری دەروونی سەربار دەكات كە پێشتر لە كاریگەرییە فسیۆلۆژییەكاندا كورت كرابووەوە، لەكاتێكدا كاریگەرییەكی ئاشكرا هەیە لەسەر كۆئەندامی بەرگری جەستە... توێژینەوەكە تەركیزی كردە سەر (تیلومیر Telomeres) كە لە خانە بەرگریەكاندا هەیە لە (58) ئافرەتدا كە تەمەنیان لەنێوان (20-50 ساڵ)دا بوو. تیلومیر هەڵدەستێت بە ڕووپۆشكردنی كرۆمۆسۆمەكان و كەمكردنەوەی بەرهەمهێنانی ئەو خانانەی بە پێوەرێك بۆ تەمەن دادەنرێن، كە دەگاتە كەمترین بەهای خانەكان، ئەو كاتە لە بەرهەمهێنان دەوەستێت.
توێژینەوەكە سەلماندی تیلومیرەكان لە خانەكانی ئەو ئافرەتانەی گرفتاری هەڵچوون یان كرژی دەروونی بوون ڕێژەی تەمەنیانی كەم كردوەتەوە بە (10 ساڵ) بە بەراورد بەوانەی گرفتاری ئەو فشارانە نەبوون. فشاری دەروونی درێژخایەن تەمەنی خانەكانی جەستە كەم دەكاتەوە، گرنگترینیان خانە بەرگریەكانە، هەروەك توێژەر "ئیلیسا ئیبیا" لە زانكۆی كالیفۆرنیا لە "سان فرانسیسكۆ" وتویەتی... توێژەران ئاماژەیان بەوە داوە كە میكانیزمی ڕاستەقینەی پێكەوەبەستنی ئەقڵ و خانەكان هێشتا نەزانراوە، بەڵام لە كاركردن بەردەوامن بۆ زانینی ئەوەی كە ئاخۆ هیچ جۆرێكی تری خانە هەن بە كرژی دەروونی كاریگەر ببن.