ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هه‌سته سه‌لبیه‌كان
ئاماده‌كردنى /سه‌روه‌ر حه‌سه‌ن :مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
زانایانى ئه‌مڕۆ له هه‌وڵى یه‌كبینه‌دان بۆ لابردنى هه‌سته سه‌لبیه‌كان، ده‌یانه‌وێت ئه‌و كه‌سه‌ى گرفتارى ئه‌و هه‌ستانه‌یه والێبكه‌ن ئه‌گه‌ره‌كانى ئه‌و ئاكامه سه‌لبیانه بێنێته پێشچاو كه پیایاندا تێپه‌ڕ ده‌بێت ئه‌گه‌ر له‌سه‌ر هه‌مان حاڵه‌ت مایه‌وه، له‌هه‌مان كاتیشدا ئاكامه ئیجابیه مه‌زنه‌كانیش وێنا بكات كه به‌ده‌ستیان دێنێت ئه‌گه‌ر هاتوو ئه‌و هه‌ستانه‌ى به‌ره‌و باشتر گۆڕى... ئه‌م ڕێگایه ئاكامگه‌لى مه‌زنى داوه له چاره‌سه‌رى هه‌سته سه‌لبیه‌كان و گۆڕینیان به‌ره‌و باشتر. قورئانى پیرۆز چوارده سه‌ده به‌ر له‌وه‌ى زانایان ئاشكراى بكه‌ن ئه‌م ڕێگایه‌ى به‌كارهێناوه.
له هه‌ر ده‌قێك له ده‌قه‌كانیدا وێناكردنێكى وردى هه‌سته سه‌لبیه‌كان و ئه‌و ئاكامانه ده‌بینین كه ڕه‌نگه له‌و هه‌ستانه‌وه بكه‌ونه‌وه، له هه‌مانكاتدا به وردى لایه‌نه ئیجابیه‌كانمان بۆ وێنا ده‌كات له‌گه‌ڵ ئاكام و سووده‌كانیان له دونیا و دواڕۆژدا. له‌گه‌ڵمدا ڕابمێنه له‌م وێناكردنه نایابه‌ى قورئانى پیرۆز ده‌یخاته به‌رده‌ممان، بڕوانه چۆن ئاكامى سه‌لبى و ئاكامى ئیجابیمان بۆ ڕوون ده‌كاته‌وه و به‌راوردیان له‌نێواندا ده‌كات و ئازادیى هه‌ڵبژاردنمان بۆ جێدێڵێت{إِنَّ الَّذِينَ يُلْحِدُونَ فِي آيَاتِنَا لَا يَخْفَوْنَ عَلَيْنَا أَفَمَنْ يُلْقَى فِي النَّاڕ خَيْرٌ أَمْ مَنْ يَأْتِي آمِنًا يَوْمَ الْقِيَامَةِ اعْمَلُوا مَا شِئْتُمْ إِنَّهُ بِمَا تَعْمَلُونَ بَصِيرٌ (40)} [فصلت]، واته: ئایا ئه‌وه‌ى فڕىَ بدرێته ئاگرى دۆزه‌خه‌وه چاكتره یان ئه‌و كه‌سه‌ى به دڵنیایى و ئارامى و هێمنیه‌وه دێت له ڕۆژى قیامه‌تدا و به‌ڕێزه‌وه به‌ره‌و به‌هه‌شت به‌ڕىَ ده‌كرێت؟ (ئه‌ى بێباوه‌ڕان) هه‌رچیتان له‌ده‌ستدێت بیكه‌ن، چونكه له ده‌ستى خوا ده‌رناچن، دڵنیاش بن خوا بینایه به‌و كرده‌وانه‌ى ده‌یكه‌ن. ئه‌مه پرسیارێكه له‌م ساته‌وه پێویسته له‌سه‌رمان وه‌لاَمى بۆ ئاماده بكه‌ین تاكو خواى گه‌وره له سزاى به‌سوىَ ڕزگارمان بكات... له خواى په‌روه‌ردگار داواكارین هه‌موو ژیانمان بكاته ئیجابى و یارمه‌تیمان بدات بۆ جێبه‌جێكردنى ئه‌وه‌ى له كتێبه‌كه‌یدا هاتووه، هه‌ر خۆى به‌توانایه به‌سه‌ر هه‌موو شتێكدا.
زنجيره‌ى قورئان و زانست (4)
قورئان و گه‌ردوونناسى له نوسينگه‌ي ته‌فسير