ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سورەتی الکهف (٧) : ابتلا‌ء..واتاى ئايه‌ت
نووسينى /م.عادل كريم ...ئا .نه‌جات رواندزى///إنا جعلنا ما علی الأرض زینة لها لنبلوهم أیهم أحسن عملا (ایة ۹)
_ خوای گەورە لەم ئایەتەو زۆر ئایەتی تریش بە بیرمان دێنێتەوە کە ژیانی دونیا کاتی یە وجێگای حەسانەوەی کۆتایی نیە، بۆیە زەوی بەم هەموو دیمەنە جوانەی ڕازاندۆتەوە تاکو بزانێت کێ کردەوەی جوان ئەنجام دەدات و بەم جوانیە بێ هۆش نابێ و هەڵناخەلەتێت .
بۆ ئەوەی زیاتر لەم ڕاستی یە تێ بگەین چەند نموونەو چیرۆکێکمان بۆ باس دەکات کەهەر یەکێکیان جۆرە تاقی کردنەوەیەکی لە خۆ گرتووە هەندێ کەس لەم تاقی کردنەوەیە سەرکەوتووبوون هەندێکی تریش دۆڕاون!!
۱_ گەنجێتی نیعمەتێکە بەخششێکی خوایی یە بۆ مرۆڤەکان و کاتی یە بۆیە نموونە هاوەڵانی ئەشکەوت باس دەکات تاکو پێمان بڵێت ئەوان سەرکەوتن لە تاقی کردنەوەی ژیان گەنجێتیان بۆ خوا بەکار هێناو خوای گەورەش گەورەترین کەرامەتی پێ بەخشین ( إنهم فتیة أمنوا بربهم وزدناهم هدی(
۲_ تاقی کردنەوی دووەم بە دەوڵەمەندیە بۆیە نموونەی دوو هاوەڵەکەمان بۆ باس دەکات تاکو ببێتە دەرسێک وبە دەوڵەمەندی هەڵنەخەڵەتێن لەئەنجامدا هەردوو باخەکەی لەناودەچێت ولە تاقی کردنەوەی خودا دەرناچێت.
۳_ علم وزانست نیعمەتێکی ترە کە بەندەکانی پێ تاقی دەکرێتەوە تاکو زیاتر لە خوا نزیکت بکاتەوەو کاری چاکەی پێ ئەنجام بدەی بۆیە خوای گەورە باسی موسا دەکات علیە السلام لەگەڵ بەندە ساڵحەکە ( لا أبرح حتی أبلغ مجمع البحرین أو أمضی حقبا(
٤_ چوارەم تاقی کردنەوە بە دەسەڵاتە کە زۆربەی دەسەڵاتدارەکان تیایدا سەرکەوتوونەبوون بەڵام لەم سورەتە نموونەی پیاوچاکێکمان بۆ باس دەکات کە سەرکەوتووبووە ودادپەروەربووە توانیویەتی میللەتان رزگاربکات ئەویش ( ذوالقرنین) بووە ( مامکنی فیە ربی خیر ) ( قال هذا رحمة من ربي)
کەواتە گەنجێتی، زانست، دەوڵەمەندی و دەسەڵات بەردەوام خەڵکی پێ تاقی دەکرێتەوە خۆشحاڵی بۆ ئەو کەسەی لەم تاقی کردنەوانه سەرکەوتوودەبێت!!