ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئه‌بو هوره‌یره) خه‌یاڵگه‌ی سه‌رده‌می وه‌حی (كۆتایی)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ رۆژێكیان زۆر تامه‌زرۆی گه‌ڕانه‌وه بۆ لای خودا بوو..
له كاتێكدا ئه‌وانه‌ی هاتبوونه سه‌ردانی داوای چاكبوونه‌وه‌یان له نه‌خۆشیه‌كه‌ی بۆ ده‌كرد، ئه‌و
له خودا ده‌پاڕایه‌وه‌و دووباره‌ی ده‌كرده‌وه و ده‌یوت:
{خودایه من حه‌زم له دیدارته، ده تۆش حه‌ز به دیدارم بكه}..
ساڵی په‌نجا و نۆی كۆچی له ته‌مه‌نی حه‌فتا و هه‌شت ساڵیدا كۆچی دوایی كرد..
له‌نێو ئارامگرتووه چاكه‌كاره‌كانی (به‌قیع)دا لاشه‌ی سپاردراوی جێگه‌یه‌كی پیرۆزی گرت...
له كاتێكدا كه ئه‌وانه‌ی له‌گه‌ڵ جه‌نازه‌كه‌یدا هاتبوون له گه‌ڕانه‌وه‌دا بوون، زۆر له‌و فه‌رموودانه‌یان ده‌وت كه له پێغه‌مبه‌ر (صلی الله علیه وسلم) خوداوه له‌به‌ری كردبوو بۆیان.
له‌وانه‌یه یه‌كێك له تازه موسڵمان بووه‌كانیش سه‌ری لاركردبێته‌وه بۆ لای هاوڕێكه‌ی و لێی بپرسێت:
- بۆچی ئه‌م گه‌وره كۆچ كردووه‌مان نازناوی (ئه‌بوهوره‌یره)ی لێنرا..؟؟
جا هاوڕێكه‌ی كه شاره‌زای ئه‌وه‌یه وه‌ڵامی ده‌داته‌وه:
- له سه‌رده‌می نه‌فامیدا ناوی (عه‌بدلشه‌مس) بوو، كه موسڵمان بوو پێغه‌مبه‌ر (صلی الله علیه وسلم) ناوی نا (عبدالرحمن).. جا زۆر به‌سۆز بوو به‌رانبه‌ر گیانله‌به‌ران و، پشیله‌یه‌كی هه‌بوو، نانی پێ‌ده‌دا و، هه‌ڵیده‌گرت و، خاوێنی ده‌كرده‌وه‌و، شوێنی بۆ ده‌كرده‌وه.. وه‌ك سێبه‌ر هه‌میشه له‌گه‌ڵیدا بوو..
به‌مجۆره بانگكرا: ئه‌بوهوره‌یره(باوكی پشیله).. ره‌زای خودای لێ‌بێت و رازی بكات.