ماڵپەری قورئانی پیرۆز

جوولەكەكان دڵنیاش بوون لەوەی كە بێگومان محمد صلى الله عليه‌ وسلم ئەو پێغەمبەرە بەڵێن پێ‌دراوەی خوایە، بەڵام چییان كرد؟ ئایا باوەڕیان پێ‌هێنا‌و دوای ڕێبازەكەی كەوتن؟ 

نەخێر، بەڵكو كتێبەكەی خۆیان هەڵدایە ئەو دیو پشتیانەوە وەك ئەوەی هەر نەشیانزانیبێت واتە پشتگوێ‌یان خست‌و تووڕیان دا، وەك ئەوەی لە پشت خۆیانەوە فڕێ‌یان دابێت. باسی فڕێ‌دانی كتێبی خواش لەم فەرمایشتەی خوادا لە قورئاندا هاتووە كە فەرموویەتی: جا ئەو كتێبەی كە فڕێ‌یان دا‌و كاریان پێ‌نەكردو، قورئان نەبووە، بەڵكو تەوڕات بوو كە جوولەكەكان ئیدیعای باوەڕ پێ‌هێنانیان لەسەری دەكرد. لەكاتێكیشدا تووڕیاندا كە بێ‌باوەڕ بوون‌و باوەڕیان بەو مژدەیەی نێو تەوڕات نەهێنا كە دەربارەی هاتنی محمد صلى الله عليه‌ وسلم وەك پێغەمبەرێك باس دەكرد. پەكیان خست‌و كاریان پێ‌نەكرد. دیارە پەكخستن‌و كارنەكردنیش بە هەردەقێك لەو دەقانەی، مانای كافربوون‌و باوەڕنەهێنانە پێ‌ی، باوەڕنەهێنان بەو چەند دەقەش، باوەڕنەهێنانە بە هەموو دەقەكانی تری (تەوڕات).. ئەمەش هەمووی بە فڕێدان‌و واز لێ‌ هێنان‌و پشتگوێ‌خستن‌و توڕدان دادەنرێت.

بەم ڕەفتارە جوولەكانە‌و دڵڕەقانەیەش دەبینین، كە ئەوان وازیان لە هەق هێناوە‌و باوەڕیان پێ‌نەهێناوە‌و خاوەنەكەشیان بە درۆ خستۆتەوە. ئەی لەدواییدا چی تریان كردوە؟ داخۆ جوولەكەكان دوای فڕێدانی كتێبی خوا‌و باوەڕنەهێنان بە هەق، چییان كردووە؟ بێگومان هەر دوای ناهەق‌و ڕێچكەی پووچ‌و گەندەڵا كەوتوون ، پەیڕەویی ئەو قسەوباس‌و قسەڵۆكانەیان دەكرد كە شەیتانەكان لەبارەی موڵك‌و دەسەڵاتی سولەیمانەوە بڵاویان دەكردەوە..

بەڕاستیش بازرگانی یەكی دۆڕاو‌و مامەڵەیەكی بێ‌سوود بووە كە ئەو جوولەكانە ئەنجامیان داوە، ئەوەبوو وازیان لە هەق هێنا‌و، دوای ناهەق كەوتن‌و، باوەڕیان بە پێغەمبەر نەهێنا‌و، باوەڕیان بە پێغەمبەر نەهێنا‌و، باوەڕیان بە شەیتانەكان هێنا‌و، بڕوایان بە هەواڵا‌و قسەوباس‌و درۆ‌و دەلەسەكانیان كرد. ئەمەش دووڕێ‌یە‌و، سێ‌یەمیان نیە.. یان ڕێی هەق یان ڕێی ناهەق، هەركەسێكیش لەڕێی هەق دانەبێت، بێگومان هەر لە ڕێی ناهەق دادەبێت، هەركەسێكیش ڕێی ڕاست فەرامۆش بكات ئەوە بەبێ‌ گومان دوای گومڕایی دەكەوێت

ئەمەش ڕاستییەكی بنەبڕ (قاطع)ی قوڕئانە‌و، تاكە بەڵگەی ڕاست‌و واقیعی‌و كردەیی‌و زیندووشی: (كایەی مرۆڤایەتییە).. ئای چەند كەسـمان بینی كە لە ڕێی هەق جیابوونەوە‌و وازیان لـێ‌ هێنا‌و، ئیدی كەوتنە سەر ڕێی ناهەق‌و گومڕایی.