ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(به‌ڕائی کوڕی مالیک) خودا و به‌هه‌شت. (به‌شی ١)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ئه‌و دوو كه‌سه‌ی كه بۆ خودا ژیان و، په‌یمانێكیان دا به پێغه‌مبه‌ری خودا (صلی الله علیه وسلم) كه له‌گه‌ڵ تێپه‌ڕبوونی
رۆژگاردا گه‌شه‌ی كرد و بوژایه‌وه.
یه‌كێكیان (ئه‌نه‌سی كوڕی مالیك) خزمه‌تكاری پێغه‌مبه‌ری خوا(صلی الله علیه وسلم) بوو.
(ئوم سوله‌یم)ی دایكی له ته‌مه‌نی بیست ساڵیدا هێنایه خزمه‌ت پێغه‌مبه‌ری خودا (صلی الله علیه وسلم) وتی: {ئه‌ی پێغه‌مبه‌ری خودا (صلی الله علیه وسلم) ..
ئه‌مه (ئه‌نه‌س)ی خزمه‌تكارته، خزمه‌تت بكات، لای خوا بۆی بپاڕێره‌وه}..
جا پێغه‌مبه‌ر (صلی الله علیه وسلم) نێوچه‌وانی ماچ كرد و دوعایه‌كی بۆ كرد كه ته‌مه‌نی درێژی به چاكه و پیرۆزی به‌سه‌ر برد..
پێغه‌مبه‌ر (صلی الله علیه وسلم) بۆی پاڕایه‌وه و فه‌رمووی:
{خودایا سامان و، كوڕی زۆری بده‌رێ و، به‌ره‌كه‌تداری بكه بۆی و، بیخه‌ره به‌هه‌شته‌وه}..
ئه‌مجا نه‌ود و نۆ ساڵ ژیا و، كوڕ و كوڕه‌زای زۆری پێدرا، هه‌روه‌ها خوا له رزق و رۆزی باخێكی فراوانی دڵڕفێنی پێ به‌خشیبوو، كه له ساڵێكدا دووجار سێوی ده‌گرت..!!
* * *
دووه‌مین برایشیان (به‌رائی كوڕی مالیك) بوو..
ژیانی مه‌زنی گیان له‌سه‌رده‌ستانه‌ی خۆی به‌سه‌ربرد و، دروشمی:
{خودا و، به‌هه‌شت}.. بوو.
هه‌ركه‌سێك له كاتی شه‌ڕكردنی له پێناوی خوادا بیبینیایه، سه‌رسوڕهێنه‌ریه‌كی به‌دی ده‌كرد له سه‌روی سه‌رسوڕمانه‌وه بوو..
چونكه (به‌را‌ء) له‌و كه‌سانه نه‌بوو كه له‌كاتی شه‌ڕكردنی به شمشێره‌كه‌ی له دژی بیباوه‌ڕان به‌دوای سه‌ركه‌وتندا وێڵ بوون، با له‌و كاته‌شدا سه‌ركه‌وتن باشترین ئامانج بووبێت.. به‌ڵكو ئه‌و عه‌وداڵی شه‌هیدبوون بوو..
هه‌موو ئومێدی ئه‌وه‌بوو كه به شه‌هیدی بمرێت و، له‌سه‌ر خاكی به‌رز له جه‌نگه‌كانی حه‌ق و ئیسلامدا به‌ڵێنه‌كه‌ی به‌جێ بهێنێت.
له‌پێناوی ئه‌وه‌شدا له هیچ مه‌یدان و غه‌زایه‌ك دوانه‌كه‌وت..