ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئاژه‌ڵی خنكاو
ئاماده‌كردنى /سه‌روه‌ر حه‌سه‌ن :مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
له‌م دواییانه‌دا په‌یوه‌ندی نێوان ئه‌و نه‌خۆشییانه‌ى ئاژه‌ڵى خنكاو هه‌ڵگریه‌تى له‌گه‌ڵ ته‌ندروستى مرۆڤدا دۆزرایه‌وه. به‌درێژایى ژیانى ئاژه‌ڵه‌كه دیوارى ڕیخۆڵه ئه‌ستووره‌ى ئاژه‌ڵ وه‌ك به‌ربه‌ستێك كارده‌كات له‌به‌رده‌م گوێزانه‌وه‌ى میكرۆب له ڕیخۆڵه‌وه (كه پاشه‌ڕۆى تێدایه) بۆ له‌شى ئاژه‌ڵ و خوێنه‌كه‌ى. دیوارى ناوه‌وه‌ى ئه‌م ڕیخۆلاَنه ناهێڵن میكرۆب بۆ له‌شى ئاژه‌ڵه‌كه بگوێزرێته‌وه، هه‌روه‌ك له‌ناو بۆرییه خوێنه‌كاندا دیوارێكى تر هه‌یه ناهێڵێت میكرۆب بۆ خوێنى ئاژه‌ڵه‌كه بگوێزرێته‌وه.
كاتێك ئاژه‌ڵێك ده‌خنكێت به‌هێواشى مردار ده‌بێته‌وه، مه‌ترسى ئه‌م مرداربوونه‌وه هێواشه له‌وه‌دایه كه دیوارى داپۆشه‌رى ناوه‌وه‌ى ڕیخۆڵه به پله‌به‌ندى به‌رگرییه‌كه‌ى ونده‌كات و به‌مه‌ش میكرۆبه زیانبه‌خشه‌كان دیوارى ڕیخۆڵه‌كان ده‌بڕن و به‌ره‌و خوێن و گۆشتى ده‌وروبه‌رى ده‌چن. پاشان ئه‌م میكرۆبانه به‌هۆى سوڕى خوێنه‌وه بۆ هه‌موو به‌شه‌كانى له‌ش ده‌گوێزرێنه‌وه، چونكه هێشتا ئاژه‌ڵه‌كه مردار نه‌بووه‌ته‌وه... هه‌روه‌ها ئه‌م میكرۆبانه له دیوارى بۆرییه‌كانى خوێنه‌وه بۆ گۆشت ده‌چن به‌هۆى كه‌مى به‌رگرى دیواره‌كانى بۆرییه‌كانى خوێنه‌وه ئه‌مه‌ش واده‌كات وه‌ك شوێنگه‌یه‌كى گه‌وره‌ى ئه‌م میكرۆبانه‌ى لێبێت. له‌دواییدا ئه‌م میكرۆبه زۆربوانه‌ش ته‌ندروستى ئاژه‌ڵه‌كه هه‌تاكو مرداربوونه‌وه‌ى به‌ته‌واوى ده‌شێوێنن. مرداربوونه‌وه‌شى له‌م حاڵه‌ته‌دا، واته بوونى مه‌ترسییه‌كى گه‌وره له له‌شى ئه‌م ئاژه‌ڵه خنكاوه‌دا. ئه‌و ئاژه‌ڵه‌ى به‌ئازار و لێدان مردار ده‌بێته‌وه ئایا لێكچوون له‌نێوان مه‌ترسى مرداربوونه‌وه‌ى ئاژه‌ڵێك كه خنكاوه له‌گه‌ڵ مرداربوونه‌وه به لێدان هه‌یه؟! به‌ڵىَ... ئه‌و ئاژه‌ڵه‌ى كه لىَ ده‌درێت توشى مرداربوونه‌وه‌یه‌كى هێواش ده‌بێت به‌ته‌واوى وه‌ك خنكاو، بۆیه هه‌مان ئه‌و حاڵه‌ته‌ى به‌سه‌ر ئاژه‌ڵه خنكاوه‌كه‌دا دێت توشى ئه‌میش ده‌بێت. زیاد له‌وه‌ش لێدان ده‌بێته‌هۆى شێواندن و په‌رتكردنى بۆرییه‌كانى خوێن له شوێنى لێدانه‌كه‌دا، هه‌روه‌ها خانه‌كانیش په‌رت و پارچه ده‌كات و به‌مه‌ش پێكهاته‌ى خوێن و خانه‌كان تێكه‌ڵ ده‌بن و كارلێك له‌نێوان مادده ژه‌هراوییه زیانبه‌خشه‌كاندا ڕووده‌دات. له‌به‌رئه‌وه له شوێنى پیاكێشانه‌كه‌دا تێبینى ئاوسان (تورم) ده‌كرێت، ئه‌مه‌ش هۆكارى ئه‌و كارلێكه كیمیاییه زیانبه‌خشانه‌یه كه ده‌بنه دروستكه‌رى مادده‌ى ژه‌هراوى له‌گه‌ڵ قڵیشان و داماڵینى پێستى ئاژه‌ڵه‌كه به‌هۆى لێدانه‌كه‌وه. به‌مجۆره ئه‌و ئاژه‌ڵه‌ى به لێدان مردارده‌بێته‌وه ده‌بێته كانگایه‌ك بۆ میكرۆبى زیانبه‌خش و بۆ ته‌ندروستى مرۆڤیش جێى مه‌ترسی ده‌بێت. زنجيره‌ى قورئان و زانست (5)
قورئان و گه‌ردوونناسى له نوسينگه‌ي ته‌فسير