ماڵپەری قورئانی پیرۆز

چیرۆك نووسان‌و شارەزایانی هەواڵا‌و بەسەرهاتەكان چەند بەسەرهاتێكیان دەربارەی درۆودەلەسەی شەیتانەكان هێناوەتەوە‌و چەند گریمانێكیان (افتراضات) دەربارەی پەیوەندییان بە (سولەیمان)ەوە داناوە. لەم بارەیەوە (ابن ابی حاتم) لە (ابن عباس)ەوە-خوا لێیان ڕازی بێت- گێڕاویەتییەوە كە (اصیف) نووسەری لای سولەیمان بووە‌و ناوەگەورەكە (الإسم اڵاعضم)ی خوای دەزانی‌و، هەموو شتێكیشی بە فەرمانی سولەیمان دەنووسی‌و لەژێر كورسییەكەیدا دەیشاردەوە. 

جا كاتێك سولەیمان مردووە، شەیتانەكان دەریان هێناون‌و لەنێوان هەردوو دێرێكیاندا سیحرێك‌و كفرێكیان نووسیوە‌و، گوتووشیانە: ئەمە بووە كە سولەیمان كاری پێ‌كردوە.. ئنجا كەسە نەفامەكانی نێو كۆمەڵا (سولەیمان)یان بە كافر داناوە‌و، جنێویان پێ‌داوە‌و، زانایانیشیان بێ‌دەنگ‌و ڕاڕابوون لە ئاستیدا، ئیدی بەردەوام نەفامەكانیان جنێو‌و وتەی ناشیرینیان پێ‌گوتووە، هەتا ئایەتەكە هاتووە‌و ئەو تۆمەت‌و تاوانانەی لەسەر لابردووە‌و، بەڕائەتی سەلماندووە.