ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(به‌ڕائی کوڕی مالیک) خودا و به‌هه‌شت. (به‌شی ٤)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ كاتێكی كه‌می به‌سه‌ردا تێپه‌ڕی شه‌ڕه‌كه گه‌ڕایه‌وه سه‌ر دۆخی سه‌ره‌تای..موسڵمانه‌كان به‌ره‌و پێشه‌وه ده‌چوون و، سه‌ركه‌وتنێكی
ته‌واویان پێشی خۆیان دابوو.. بێ‌باوه‌ڕه‌كانیش به شكستێكی بێزاره‌وه ده‌كه‌وتن..
(به‌را‌ء)یش له‌وێدا له‌گه‌ڵ براكانیدا به ئاڵاكه‌ی (موحه‌ممه‌د)ه‌وه (صلی الله علیه وسلم) به‌ره‌و واده‌ی مه‌زنی ده‌ڕۆیشتن..
بێ‌باوه‌ڕان به راكردن به‌ره‌و دواوه گه‌ڕانه‌وه‌و، چوونه نێو باخچه‌یه‌كه‌وه‌و خۆیان تێدا په‌نا دا..
شه‌ڕه‌كه‌یش به خوێنی موسڵمانان سارد بووه‌وه، وا دیاربوو كه به‌م فرت و فێڵه‌ی شوێنكه‌وتوانی موسه‌یله‌مه و سوپاكه‌ی په‌نایان بۆ بردووه ده‌كرێت چاره‌نووسی شه‌ڕه‌كه بگۆڕدرێت..
ئا لێره‌دا (به‌را‌ء) چوویه سه‌ر گردێكی به‌رز و هاواری كرد:
{ئه‌ی كۆمه‌ڵی موسڵمانان..
هه‌ڵمبگرن و فڕێم ده‌ن به‌سه‌ریاندا له باخچه‌كه‌دا}..
ئه‌ی پێم نه‌وتن كه به‌دوای سه‌ركه‌وتندا ناگه‌ڕێت به‌ڵكو عه‌وداڵی شه‌هید بوونه..!!
له‌م نه‌خشه‌یه‌شدا باشترین كۆتایی بۆ ژیانی و، چاكترین وێنه‌ی مردنی بۆ خۆی هه‌ڵبژاردبوو..!!
چونكه ئه‌و كاتێك ده‌خرێته ناو باخچه‌كه‌وه، ده‌روازه‌كه له موسڵمانان ده‌كاته‌وه، له هه‌مان كاتدا شمشێری بێ‌باوه‌ڕه‌كان لاشه‌ی هه‌لاهه‌لا ده‌كه‌ن، له‌و كاته‌شدا ده‌رگاكانی به‌هه‌شت خۆی ده‌ڕازێنێته‌وه‌و واڵا ده‌بێت بۆ پێشوازی زاوایه‌كی نوێ و، سه‌ربه‌رزی دیكه..!!