ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (٩) ی سورەتی (الحجرات) :{وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا } (به‌شی ٢)
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / هه‌روه‌ها (سعيد) ى كوڕى (منصور) له (أبى مالك) ه‌وه ده‌گێڕێته‌وه , ده‌ڵێت : دووپياو له موسوڵمانان ناكۆكى كه‌وته نێوانيان , هه‌ريه‌ك له‌پێناوى به‌ره‌ى خۆيدا
تووڕه‌بوو , پاشان به‌ده‌ست و نه‌عل كيشايان به‌يه‌كدا و خواى گه‌وره‌ش ئايه‌تى : { وَإِن طَائِفَتَانِ مِنَ الْمُؤْمِنِينَ} ى دابه‌زاند. هه‌روه‌ها (ابن جرير) و (ابن ابى حاتم) له (سدى) يه‌وه ده‌گێڕنه‌وه, ده‌ڵێت : پياوێك له پشتيوانه‌كان ناوى (عمران) بوو , خێزانێكى هه‌بوو پێيان ده‌وت ( ام زيد), ئه‌م ئافره‌ته نيازى هه‌بوو سه‌ردانى خزمه‌كانى بكات , به‌ڵام مێرده‌كه‌ى ڕێى لێ گرتبوو , له جێگه‌يه‌كى به‌رزا داينابوو , ئافره‌ته‌كه‌ش وه‌ڵامى ناردبوو بۆ خزمه‌كانى و هاتبوون به‌ده‌ميه‌وه و دايان گرتبوو تا بيبه‌نه‌وه, له‌و كاته‌شدا مێرده‌كه‌ى له‌ماڵ چوبووه ده‌ره‌وه و خزمانى خۆى بانگ كردبوو , پاشان ئامۆزاكانى پياوه‌كه له‌ونێوانه‌دا هه‌وڵى ئه‌وه‌يان دابوو نه‌يه‌ڵن خزمانى ئافره‌ته‌كه خێزانى ئامۆزاكه‌يان ببه‌نه‌وه, ده‌ره‌نجامى ئه‌م بارودۆخه‌ش به‌ده‌نگه ده‌نگ و ده‌سته‌ويه‌خه‌بوونى يه‌كدى و نه‌عل كێشان به‌يه‌كتردا دوايى هاتبوو , ئه‌وجا ئه‌م ئايه‌ته‌ش سه‌باره‌ت به‌و ڕووداوه هاته خواره‌وه : { وَإِن طَائِفَتَانِ مِنَ الْمُؤْمِنِينَ اقْتَتَلُوا }.دواتر پێغەمبەرى خوا (صلی الله علیه وسلم) ناردى به‌دواياندا و دادوه‌ريكرد له‌نێوانيان , هه‌ردوولاپاشگه‌زبوونه‌وه و خۆيان سپارد به فه‌رمانى په‌روه‌ردگار.