ماڵپەری قورئانی پیرۆز

جۆری دووەم: شەیتانە ئادەمییەكانن لە كۆمەڵەی (مرۆڤایەتی)، واتە ئەو كافر‌و بێ‌باوەڕانەن كە شەیتانەكانی كۆمەڵەی (جن) پشتیان پێ‌دەبەستن، دیارترین نوێنەری ئەم جۆرەش جوولەكەكانن، كە لە هەموو خەڵكی سەرزەمین زیاتر سەرقاڵی سیحر‌و جادووەری‌و كفر‌و ئاكاری شەیتانی‌و فریودان بوون.

جا ئاخۆ لەم بەسەرهاتەشدا ئەو شەیتانانە كێ‌بن، كە نەریتی سیحربازییان بڵاوكردۆتەوە‌و داویشیانەتە پاڵا سولەیمان؟ ئەی داخۆ ئەو شەیتانانەش كێ‌بووبن كە هەواڵی درۆ‌و قسەوباسی ناڕاست‌و ئاكاری جادووگەرییان بڵاوكردۆتەوە؟ بێگومان جوولەكەكان بوون.. ئەوان هەواڵی سەیرو سەمەرە‌و قسە‌و باسی جادووگەرییان لەلای سولەیمان دەگێڕایەوە، چونكە سولەیمان پێغەمبەریشان بوو جگە لەوەی پادشا‌و سەرداریشیان بووە‌و، پاشان چونكە لە هەمان كاتدا حاكمی (جن‌و شەیتانەكانیش) بووە. هەروەها، چونكە خودی جوولەكەكان سوودیان لە گێڕانەوەی درۆ‌و دەلەسەكان‌و بڵاوكردنەوەیان لەنێو خەڵكیدا، وەرگرتووە تاكو ترس‌و بیم بخەنە دڵیانەوە‌و چەواشەیان بكەن‌و ملكەچی بەردەستی خۆیان بكەن.