ماڵپەری قورئانی پیرۆز

قوڵاپی چه‌سپ كراو به‌ زنجیر و سووركراو به‌ ئاگریان به‌كارهێنا و، له‌ قه‌ڵاكانیان ده‌یانهاوێشت، به‌ر هه‌ر كه‌س بكه‌وتایه‌ له‌و موسڵمانانه‌ی كه‌ نه‌یانده‌توانی خۆی لێ‌ دوور بخه‌نه‌وه‌ لێی گیرده‌بوو هه‌ڵیان ده‌كێشا..

(به‌را‌ء) و برا مه‌زنه‌كه‌یشی (ئه‌نه‌سی كوڕی مالیك) له‌گه‌ڵ ده‌سته‌یه‌ك له‌ موسڵمانه‌كاندا كاری یه‌كێك له‌و قه‌ڵایانه‌یان پێ‌ سپێردرابوو..

به‌ڵێ‌ له‌ناكاو یه‌كێك له‌و قولابانه‌ به‌ربووه‌وه‌ و، له‌ (ئه‌نه‌س) گیر بوو و، (ئه‌نه‌س) له‌به‌ر گه‌رمی نه‌یتوانی زنجیره‌كه‌ بگرێت تا خۆی لێ‌ ده‌رباز بكا..

(به‌را‌ء) چاوی به‌و دیمه‌نه‌ كه‌وت و.. خێرا به‌ره‌و لای براكه‌ی هات كه‌ زنجیره‌ سووره‌وه‌بووه‌كه‌ به‌ره‌و سه‌ر دیواری قه‌ڵاكه‌ به‌رزی ده‌كرده‌وه‌و.. به‌ ده‌ستی زنجیره‌كه‌ی گرت و به‌وپه‌ڕی توانایه‌وه‌ ده‌ستی دایه‌ و خه‌ریكی بوو هه‌تا كردیه‌وه‌و پچڕاندی و ئه‌نه‌س رزگاری بوو، (به‌را‌ء) و ئه‌وانه‌ی له‌گه‌ڵیدابوون سه‌رنجێگی ده‌ستیان دا له‌جێگه‌ی خۆیدا نه‌مابوو..!!

هه‌موو گۆشته‌كه‌ی توابووه‌وه‌و، ته‌نها په‌یكه‌ری ئێسكه‌كه‌ی به‌ سوتاوی و ره‌شی مابویه‌وه‌..!!

جا ئه‌م پاڵه‌وانه‌ ماوه‌یه‌كی دیكه‌ له‌ چاره‌سازی هێواشی له‌سه‌رخۆدا به‌سه‌ر برد.. تا چاك بووه‌وه‌..