ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌كانی نوێژدابه‌ستن (گوفتاری و كرداری).(١٤)نه‌وتنى (آمين) پێکه‌وه له‌گه‌ڵ پێشنوێژ:
وه‌رگێڕانى : ناصح ئیبراهیم سازانى / ئه‌مه‌ش هه‌ڵه‌یه, چونکه ئه‌و که‌سه‌ى ئه‌م کاره ناکات بێبه‌ش ده‌بێت له خێرێکى زۆر گه‌وره که راستگۆ و به‌ڕاست زانراو هه‌واڵى داوه ده‌فه‌رموێت:
(إِذَا أَمَّنَ الإِمَامُ فَأَمِّنُوا فَإِنَّهُ مَنْ وَافَقَ تَأْمِينُهُ تَأْمِينَ الْمَلاَئِكَةِ غُفِرَ لَهُ مَا تَقَدَّمَ مِنْ ذَنْبِهِ) . واته: کاتێک پێشنوێژ وتى: (آمين) ئێوه‌ش بیڵێن, چونکه ئامینى هه‌ر که‌سێک له‌گه‌ڵ ئامینى مه‌لائیکه رێک بکه‌وێت, خواى گه‌وره له گوناهه‌کانى رابردووى ده‌بوورێ.
له ریوایه‌تێکى تردا ده‌فه‌رموێت: (إِذَا قَالَ الْقَاڕئُ: وَلَا الضَّالِّينَ . فَقَالَ مَنْ خَلْفَهُ آمِينَ فَوَافَقَ قَوْلُهُ قَوْلَ أَهْلِ السَّمَاءِ غُفِرَ لَهُ مَا تَقَدَّمَ مِنْ ذَنْبِهِ) . واته: کاتێک پێشنوێژ وتى: وَلَا الضَّالِّينَ . ئه‌وانه‌ى له‌دوایه‌وه‌ن وتیان: (آمين), ئامینى هه‌رکامیان له‌گه‌ڵ ئامینى خه‌ڵکى ئاسمان رێک بکه‌وێت, واته پێکه‌وه بوترێن, خواى گه‌وره له تاوانه‌کانى رابردووى خۆش ده‌بێت.
پێشه‌وا نه‌وه‌وى ده‌ڵێ: ئه‌م فه‌رمودانه به‌ڵگه‌ن له‌سه‌ر ئه‌وه‌ى وتنى(آمين) موسته‌حه‌به له‌دواى سوره‌تى فاتیحه‌وه له‌لایه‌ن پێشنوێژو ئه‌وانه‌ى له‌دوایه‌وه‌ن و ئه‌وه‌شى به‌ته‌نها نوێژ ده‌کات, بۆیه ده‌بێت پێشنوێژو ئه‌وانه‌ى له‌دوایه‌وه‌ن پێکه‌وه بڵێن: (آمين) نه‌پێشی پێشنوێژ بکه‌ون نه‌دواشى بکه‌ون له‌به‌ر فه‌رموده‌که‌ى پێغه‌مبه‌رى خوا (صلى الله علیه وسلم) که ده‌فه‌رموێت: (إِذَا قَالَ وَلَا الضَّالِّينَ . فَقُولُوا: آمِينَ ). واته: کاتێک پێشنوێژ وتى: وَلَا الضَّالِّينَ ، ئێوه‌ش بڵێن: (آمين). به‌لآم ریوایه‌تى: (إِذَا أَمَّنَ فَأَمِّنُوا). ماناى ئه‌وه‌یه ئه‌گه‌ر پێشنوێژ ویستى بڵێ: (آمين). ئێوه‌ش بڵێن: (آمين) .