ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
كات له پێغه‌مبه‌ر دخ مه‌گرن :
[ يا ايها الذين امنوا اذا ناجيتم الرسول فقدموا بين يدي نجواكم صدقة ، ذلك خير لكم وأطهر ، فان لم تجدوا ، فأن الله غفور رحيم ] المجادلة : 12 .
واته : ئه‌ی ئه‌وانه‌ی كه بڕواتان هێناوه كاتێ ده‌تانه‌وێ بچنه لای پێغه‌مبه‌ر دخ بۆ كارێكی خۆتان پێش ئه‌وه خێرێك بكه‌ن ، ئه‌مه باشتره بۆتان و پاكتره ئه‌گه‌ر نه‌تان بوو زۆر پێویست بوون ئه‌وا قه‌یدی ناكا ، به‌راستی خوا لێ بوردوی میهره‌بانه .
[ أاشفقتم ان تقدموا بين يدي نجواكم صدقات ، فاذ لم تفعلوا وتاب الله عليكم فاقيموا الصلاة و اتوا الزكاة و أطيعوا الله ورسوله و الله خبير بما تعملون ]
واته : ئایا ترسان له‌هه‌ژاری و ناڕه‌حه‌ت بوون كه شتێك ببه‌خشن پێش چوونه‌لای پێغه‌مبه‌ر دخ بۆ كاری تایبه‌تی خۆتان … ده‌ی كه خوا ئێستا لێتان خۆش بووه ، نوێژه‌كانتان بكه‌ن و زه‌كات بده‌ن و گوێ‌ڕایه‌ڵی خوا و پێغه‌مبه‌ره‌كه‌ی بكه‌ن … وه خوا زانا و ئاگاداره به‌كرده‌وه‌كانتان … ئه‌مه په‌روه‌رده‌یه‌ك بوو بۆ بڕواداران تا هه‌موو سه‌رنه‌كه‌نه سه‌ر پێغه‌مبه‌ر و ناڕه‌حه‌تی نه‌كه‌ن و هه‌موو كاتی لێ‌نه‌گرن به‌بێ سوود … به‌مه‌ش موسڵمانان زۆر پێویست نه‌بوانایه نه‌ده‌چونه لای و فێری رێزگرتنی كاته‌كان و حه‌واندنه‌وه‌ی پێغه‌مبه‌ربوون. به‌راستی موسوڵمانان زۆر پێویستیان به فێربوونی ئه‌م ره‌وشته هه‌یه ، هه‌ر بۆیه مامۆستا (حسن البنا) له(مكتب) ه‌كه‌یدا له‌وحه‌یه‌كی له‌ژوور سه‌ری هه‌ڵواسیبوو كه تیایا نوسرابوو [ الواجبات اكثر من الاوقات ) .. بۆ ئه‌وه‌ی میوانه‌كه‌ی تێ‌بگه‌ینێ و به‌ناڕاسته‌وخۆ پێ‌ی بڵێ : برای ئازیزم ئه‌ركه‌كانی سه‌رشانمان له‌كاته‌كانمان زیاترن … بۆیه با كاتی یه‌كتری به‌فیرۆ نه‌ده‌ین .