ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (١٧) ی سورەتی (الحجرات) :{ يَمُنُّونَ عَلَيْكَ أَنْ أَسْلَمُوا ۖ قُلْ لَا تَمُنُّوا عَلَيَّ إِسْلَامَكُمْ ۖ } (کۆتایی)
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / (إبن سعد) له (محمد) ى كوڕى (كعب) ى (قرظي) يه‌وه ده‌گێڕێته‌وه, ده‌ڵێت: له‌ساڵى (نۆ) ى كۆچيدا , (ده) كه‌س له تيره‌ى (بنى اسد) هاتنه لاى پێغەمبەرى خوا (صلی الله علیه وسلم) يه‌كێك له‌وان
(طلحه) ى كوڕى (خويلد) بوو, له‌وكاته‌دا پێغەمبەرى خوا (صلی الله علیه وسلم) له مزگه‌وتدابوو له‌گه‌ڵ هاوه‌ڵه‌كانيدا, ئه‌وان سه‌لاميان كرد و وته‌بيژه‌كه‌يان وتى : ئه‌ى پێغەمبەرى خوا (صلی الله علیه وسلم) ئێمه شايه‌تيمان داوه خواى گه‌وره تاك و ته‌نيا و بێ هاوه‌ڵه و گه‌واهيمانداوه تۆش به‌نده و پێغەمبەرى خوايت (صلی الله علیه وسلم) , خۆمان هاتووين بۆلات بێ ئه‌وه‌ى بنێرى به‌دواماندا , ئێمه‌ش هاوچه‌شنى په‌يژه‌يه‌ك واين بۆ دواى خۆمان , خه‌ڵكى چاومان لێده‌كه‌ن , ئنجا ئايه‌تى :{ يَمُنُّونَ عَلَيْكَ أَنْ أَسْلَمُوا ۖ } دابه‌زى. هه‌روه‌ها (سعيد) ى كوڕى (منصور) له (سعيد) ى كوڕى (جبير) ه‌وه ده‌گێڕێته‌وه , ده‌ڵێت: كۆمه‌ڵێك عه‌ره‌بى كۆچه‌رى له‌تيره‌ى (بنى أسد) هاتنه خزمه‌ت پێغەمبەرى خوا (صلی الله علیه وسلم) و وتيان : ئێمه هاتووين بؤلات بێ ئه‌وه‌ى بجه‌نگين له‌گه‌ڵتا , ئنجا ئايه‌تى :{يَمُنُّونَ عَلَيْكَ أَنْ أَسْلَمُوا ۖ } دابه‌زى يه خواره‌وه.