ماڵپەری قورئانی پیرۆز

((سَحَرَ رَسُولَ اللهِ صلى الله عليه‌ وسلم  رَجُلٌ مِنْ بَنِي زُرَيْقٍ يُقَالُ لَهُ لَبِيدُ بْنُ الأَعْصَمِ حَتَّى كَانَ رَسُولُ اللَّهِ صلى الله عليه‌ وسلم  يُخَيَّلُ إِلَيْهِ أَنَّهُ كَانَ يَفْعَلُ الشَّيْءَ وَمَا فَعَلَهُ حَتَّى إِذَا كَانَ ذَاتَ يَوْمٍ أَوْ ذَاتَ لَيْـلَةٍ وَهُوَ عِنْدِي لَكِنَّـهُ دَعَا وَدَعَا ثُمَّ قَـالَ يَا عَائِشَـةُ أَشَـعَرْتِ أَنَّ الله أَفْتَانِي فِيمَا اسْـتَفْتَيْتُهُ فِيهِ أَتَانِي رَجُلانِ فَقَعَدَ أَحَدُهُمَا عِنْدَ رَأْسِي وَالآخَرُ عِنْدَ ڕجْلَيَّ فَقَالَ أَحَدُهُمَا لِصَاحِبِهِ مَا وَجَعُ الرَّجُلِ فَقَالَ مَطْبُوبٌ قَالَ مَنْ طَبَّهُ قَالَ لَبِيدُ بْنُ الأَعْصَمِ قَالَ فِي أَيِّ شَيْءٍ قَالَ فِي مُشْـطٍ وَمُشَاطَةٍ وَجُفِّ طَلْعِ نَخْلَةٍ ذَكَرٍ قَالَ وَأَيْنَ هُوَ قَالَ فِي بِئْڕ ذَرْوَانَ فَأَتَاهَا رَسُولُ اللهِ صلى الله عليه‌ وسلم فِي نَاسٍ مِنْ أَصْحَابِهِ فَجَاءَ فَقَالَ يَا عَائِشَةُ كَأَنَّ مَاءَهَا نُقَاعَةُ الْحِنَّاءِ أَوْ كَأَنَّ رُءُوسَ نَخْلِهَا رُءُوسُ الشَّيَاطِينِ قُلْتُ يَا رَسُولَ الله أَفَلا اسْتَخْرَجْتَهُ قَالَ قَدْ عَافَانِي الله ُفَكَڕهْتُ أَنْ أُثَوِّرَ عَلَى النَّاسِ فِيهِ شَرًّا فَأَمَرَ بِهَا فَدُفِنَـتْ)) ( ).

واتە: (عائیشە) گوتوویەتی: پیاوێك لە هۆزی (بەنی زریقە) كە ناوی (لبید كوڕی اعصم) بوو، سیحرێكی لە پێغەمبەری خوا صلى الله عليه‌ وسلم كرد‌و تەنانەت پێغەمبەر صلى الله عليه‌ وسلم وای دەزانی ئەو كارەی سیحربازەكە بە ڕواڵەت هەروایە، بەڵام واش نەبوو. ئەوەبوو ڕۆژێكیان یان شەوێكیان -كە لەلای خۆم بوو- هەر نزا‌و دوعای دەكرد، پاشان فەرمووی: ئەی عائیشە، ئایا هەستت كردووە بەوەی كە خوا وەڵامی ئەو مەسەلەیەی بۆ ڕوون كردوومەوە كە داوا‌و پرسیارم لەبارەیەوە كردبوو؟ ئەوەبوو دوو پیاو هاتبوون بۆ لام، یەكێكیان لەلای سەرمەوە دانیشت‌و ئەوی تریشیان لەلای قاچمەوە، ئنجا یەكێكیان لەوی تریانی پرسی: (ئەم پیاوە چ ئازارێكی هەیە؟) ئەویش گوتی: (سیحری لێكراوە)، لێی پرسیەوە: (كێ‌ سیحری لـێ‌كردوە؟) گوتی: (لبید كوڕی أعصم). دوبارە لێی پرسی: (لە چ شتێكدا سیحری لێكردوە)، ئەویش لە وەڵامدا گوتی: (لە شانەیەك‌و قژێكی وەریوی بە شانە داهێنراو دا‌و، لە توێكڵی تەنگی دارخورمای نێردا). ئنجا لێی پرسی: (ئەی ئەوانە لە كوێ‌ دان؟) ئەویش لە وەڵامدا گوتی: (لە بیری ژروان). ئیدی پێغەمبەریش صلى الله عليه‌ وسلم لەگەڵا چەند كەسێك لە هاوەڵانی چوونە سەر بیرەكە‌و، هاتەوە‌و پێ‌ی گوتم: ئەی عائیشە، ئاوەكەی وەك ئاوی دەرچووی خەنە بوو، سەری دارخورماكانیشی وەك سەری شەیتانەكان بوو.. منیش پێم گوت: ئەی پێغەمبەری خوا، ئایا دەرتهێنان؟ فەرمووی: (خوا پاراستمی‌و، منیش پێم خۆش نەبوو خراپەیەكی تێدا تووشی خەڵكی بكەم).. عائیشە دەڵێت: پێغەمبەرصلى الله عليه‌ وسلم فەرمانی دابوو نەهێڵرێن، ئیدی لەسەر ئەو فەرمانە شارانەوە لەنێو خاكدا.

هەروەها (بخاری) لە (كتاب الطب) باب (هل یستخرج فی السحر)دا بە ڕیوایەتێكی تر ئەم ڕووداوەی گێڕاوەتەوە‌و هەندێك ڕستەی تری بۆ زیاد كردوە‌و، گوتوویەتی:

"لە عائیشەوە- خوا لێی ڕازی بێت- گێڕراوەتەوە كە گوتوویەتی: سیحر لە پێغەمبەری خوا صلى الله عليه‌ وسلم كرا بە شێوەیەك وای لێ‌ هات كە دەچێتە لای ئافرەت (واتە كاتێك لەگەڵا خێزانی دابوایە نەدەچوو بەلایدا). لەم ڕووەوە (سفیان) لە فەرموودەكەی گێڕاوەتەوە گوتوویەتی: ئەوەش توندترین شێوازی سیحر لێكردنە ئەگەر گەیشتبێتە ئەو ڕادەیە. ئنجا پێغەمبەر صلى الله عليه‌ وسلم دوای ئەوەی سیحرەكەی لێكراوە فەرمووی: ئەی عائیشە، ئایا دەزانیت، كە خوا ئەوەی دەمویست بۆی ڕوون كردمەوە.. ئەوەبوو كاتێك دوو پیاو هاتنە لام‌و یەكێكیان لەلای سەرمەوە دانیشت‌و ئەوی تریشیان لەلای هەردوو قاچمەوە، جا ئەوەی كە لەلای سەرمەوە دانیشتبوو بەوی تریانی گوت (ئەم كابرایە چییەتی؟) ئەویش گوتی: (سیحری لێكراوە)، پرسی: (كێ‌ سیحری لـێ‌ كردوە؟)، گوتی: (لبیدی كوڕی اعصم)، كە پیاوێكە لە هۆزی (بنی زریق)ی هاوپەیمانی جوولەكەكان‌و، كەسێكی دووڕوو (منافق) بووە. ئنجا لێی پرسی ( لە چیدا سیحری لـێ‌كردوە؟) گوتی: (لە شانەیەك‌و چەند تاڵەقژێكی وەریوی داهێنراودا)، پاشان لێی پرسی: (ئەوە لە كوێ‌یە؟) پێی گوت: (لەنێو توێكڵە تەنكەكەی خورمایەكی نێردا‌و لەژێر بەردێكی دەركەوتووی سەروو بیرەكەدا لە بیـری ژروان).

ئنجا عائیشە دەڵێت: پێغەمبەریش صلى الله عليه‌ وسلم چووەتە سەر بیرەكە‌و دەریهێناوە‌و، فەرمووی: ئەو بیرەی، كە پیشانم درا ئاوەكەی وەك ئاوی دەرچووی خەنە وابو‌و، خورماكەشی وەك سەری شەیتانەكان.. پاشان فەرمووی: لەوێ‌ دەرهێنرا.. هەروەها (عائیشە) گوتوویەتی: لێم پرسی: ئایا هیچ چارەسەرێكت بۆ خۆپارێزی لەو دیاردەیە بەكار نەهێنا؟ ئەویش فەرمووی: نەخێر، چونكە من خوا شیفای پێ‌دام‌و، حەزیش ناكەم ئەم باسە لەلای خەڵكی بخروشێنم‌و تووشی خراپە بن پێوەی"( ).