ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(سابیتی کوڕی قه‌یس) وتاربێژی پێغه‌مبه‌ری خودا (به‌شی ٢)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ (سابیت) له‌گه‌ڵ پێغه‌مبه‌ری خوادا (صل الله علیه وسلم) به‌شداری شه‌ڕی (ئوحود) و، غه‌زاكانی دیكه‌ی كرد..
گیانفیداییه‌كه‌یشی به‌جۆرێكی ته‌واو سه‌رسوڕهێنه‌ر و.. مایه‌ی سه‌رسام بوون بوو..!!
له شه‌ڕی هه‌ڵگه‌ڕاوه‌كانیشدا، هه‌میشه له پێشه‌وه بوو، ئاڵاهه‌ڵگری ئه‌نصار بوو، به شمشێره‌كه‌یشی كه نه كول ده‌بوو نه ده‌شكا شمشێری ده‌وه‌شاند..
له جه‌نگی (یه‌مامه)شدا، كه پێشتر چه‌ند جارێك باسمان لێوه كرد، (سابیت) شوێنه‌واری ئه‌و هێرشه له‌ناكاوه‌ی بینی كه سوپای (موسه‌یله‌مه‌ی درۆزن) بۆ سه‌ر موسڵمانه‌كان ئه‌نجامیان دا، جا به ده‌نگه گڕه به‌رزه‌كه‌ی هاواری كرد:
{سوێند به‌خوا، له‌گه‌ڵ پێغه‌مبه‌ری خوادا(صل الله علیه وسلم) به‌م جۆره شه‌ڕمان نه‌ده‌كرد}..
ئه‌مجا رۆیشت و زۆر دوورنه‌كه‌وته‌وه‌و، گه‌ڕایه‌وه‌و خۆی وه‌ك مردوو لێكردبوو، كفنی له‌به‌ر كردبوو، جارێكی كه هاواری كرده‌وه:
{خودایه من بێ‌به‌ریم له‌وه‌ی ئه‌وانه هێناویانه}
مه‌به‌ستی له‌شكرده‌كه‌ی موسویله‌مه بوو..
{داوای لێبوردنیشت لێده‌كه‌م له‌وه‌ی كه ئه‌مانه ئه‌نجامیان دا..}
مه‌به‌ستی كه‌مته‌رخه‌می موسڵمانه‌كان بوو له شه‌ڕكردندا..
سالمی خزمه‌تكاری پێغه‌مبه‌ری خوداش(صل الله علیه وسلم) چووه پاڵی، كه ئاڵاهه‌ڵگری موهاجرین بوو..
جا هه‌ردووكیان چاڵێكی قوڵیان بۆ خۆیان هه‌ڵكه‌ند و چوونه ناویه‌وه‌و راوه‌ستان و خۆڵیان كرد به سه‌ریدا هه‌تا نیوه‌ی هه‌ریه‌كه‌یان داپۆشرا..
به‌و جۆره راوه‌ستان.. وه‌ك دوو كێوی بڵند، نیوه‌ی هه‌ر یه‌كه‌یان له‌نێو قوڵایی چاڵه‌كه‌دا جێگیر بوو.. له هه‌مان كاتدا نیوه‌كه‌ی سه‌ره‌وه‌یشی- سینگ و ناوچه‌وان و باسكه‌كانی- به‌ره‌و رووی سوپاكانی بت په‌رستی و درۆ ده‌بویه‌وه..
به شمشێره‌كانیان له هه‌رسه‌ربازێكی سوپای موسویله‌مه‌یان ده‌دا كه لێیان نزیك ببوایه‌ته‌وه هه‌تا هه‌ردووكیان له شوێنی خۆیاندا شه‌هید بوون و، خۆری هه‌ردووكیان به‌ره‌و ئاوابوون رۆیشت..!!
ئه‌و دیمه‌نه‌یان مه‌زنترین هاوار بوو كه رۆڵی هه‌بوو له هاتنه‌وه‌ی موسڵمانه‌كان بۆ جێگه‌ی خۆیان، كه سوپای (موسه‌یله‌مه‌ی درۆزن)یان كرده خۆڵی ژێر پێیان..!!