ماڵپەری قورئانی پیرۆز

        م. سعيد عبدالرحيم .......دوای ئەوەی کە سەرانی قورەیش شکستیانهێنا لە، خشتەبردنی پێغەمبەری خۆشەویست و قایلکردنی بە سەروەت و سامان و دەسەڵات، دەستیانکرد بە بڵاوکردنەوەی پڕوپاگەندە دژ بە کەسایەتی پێغەمبەری خۆشەویست و پەیامەکەی لە لایەك و، ئازاردانی خۆی و هاوەڵانی لەلایەکی تر.
یەکەم شتێك کە دەستیان پێکرد، لێدانی پێغەمبەر بوو ﷺ لە ڕووی خێزانی و کۆمەڵایەتییەوە، ئەویش بە تەڵاقدانی هەردوو کچی پێغەمبەری خۆشەویست، (ڕوقیە و ئوم کەلسوم)؛ کە ڕوقیە دەستگیرانی عوتبەو ئوم کەلسوم دەستگیرانی عوتەیبە، کوڕانی ئەبولەهەبی مامی بوون.
پاشان دەستیانکرد بە تانەدان لە خۆشەویست بەوەی کە کوڕی نابێت و دوای خۆی دوابڕاوو وەخاخ کوێر دەبیت، لە وەڵامی ئەم نەفامی و بێڕەوشتیەدا، خوای گەورە سورەتی کەوسەری دابەزاند، ئەوەش وەك دڵدانەوەیەك بۆ پێغەمبەری خۆشەویست و، لوتشکاندنی ئەوان.
لە بڵاوبوونەوەی ئیسلام له نێو تۆێژە جیاوازەکانی مەککەو زۆربوونی شوێنکەوتووانی محمد ﷺ، بڕیار بەدەستانی قورەیش ئۆقرەیان لێبڕاو، دوای چەندین کۆبوونەوەی چڕوپڕی دارولنەدوە، بڕیاریاندا بە چەکی پڕوپاگەندەو سوکایەتیکردن بە محەممەدو ئاینەکەی سنوریك بۆ مەترسی و هەڕەشەکانی پێغەمبەرو بانگەوازەکەی دابنێن.
بۆیە بڕیاردرا، لە هەر جێیەك محەممەد ﷺ و هاوەڵانی دەرکەون کاڵتەیان پێبکەن و منداڵ و مەرزم بخەنە دویان، لەوبارەیەوە قورئانی پیرۆز دەفەرموێت: (إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ*وَإِذَا مَرُّوا بِهِمْ يَتَغَامَزُونَ*وَإِذَا انقَلَبُوا إِلَى أَهْلِهِمُ انقَلَبُوا فَكِهِينَ*وَإِذَا رَأَوْهُمْ قَالُوا إِنَّ هَـؤُلَاءِ لَضَالُّونَ) المطففین/ ۲۹-۳۳.