ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌كانی نوێژدابه‌ستن (گوفتاری و كرداری).(٢٧)راکێشانى یه‌کێک له مه‌ئمومه‌کان بۆ ئه‌وه‌ى نوێژى له‌گه‌ڵدا بکرێت:
وه‌رگێڕانى : ناصح ئیبراهیم سازانى / هه‌ندێ له نوێژخوێنان کاتێ چوونه مزگه‌وت ئه‌گه‌ر ریزه‌کان ته‌واو بوون, جێگه‌ى نه‌بووه‌وه, له‌دواى ریزه‌کانه‌وه ده‌وه‌ستێ و یه‌کێک له‌پێشی خۆیه‌وه راده‌کێشێ بۆ ته‌نیشتى خۆی هه‌تا
نوێژى له‌گه‌ڵدا بکات.
ئه‌م که‌سه ده‌یه‌وێت له‌دواى پێشنوێژه‌وه به‌ته‌نیا نوێژ نه‌کات به‌لآم ده‌که‌وێته ناو چه‌ند هه‌ڵه‌یه‌که‌وه: ده‌بێته هۆی پچڕانى ریزه‌کان, بێگومان پێغه‌مبه‌رى خوا (صلى الله علیه وسلم) له‌وباره‌وه ده‌فه‌رموێت: (مَنْ وَصَلَ صَفّاً وَصَلَهُ اللهُ، وَمَنْ قَطَعَ صَفّاً قَطَعَهُ اللهُ) . واته: ئه‌و که‌سه‌ى بۆشایى پڕ بکاته‌وه, خودایش به ره‌حمه‌تى خۆى ئه‌و به‌سه‌ر ده‌کاته‌وه, ئه‌و که‌سه‌ش ببێ به هۆى دروستکردنى که‌لێن له ریزه‌کاندا، خواش په‌یوندى له‌گه‌ل ئه‌و ده‌پچڕێ.
هه‌روه‌ها هه‌موو موسڵمانان خشوع له‌ده‌ست ده‌ده‌ن به هۆی ئه‌و که‌لێنه‌وه له ریزه‌که‌دا رووده‌دات.. ئه‌مه‌و جگه له‌وه‌ى ئازارى ئه‌و که‌سه ده‌دات که رایده‌کێشێ بۆ ته‌نیشتى خۆی. به‌ڵکو کار ده‌گاته راده‌یه‌ک ئه‌و که‌سه ده‌یکاته ده‌مه‌قاڵه له‌کاتى نوێژدا.
ئیبن ته‌یمیه ده‌ڵێ: دروسته که‌سێک به ته‌نیا نوێژ بکات ئه‌گه‌ر عوزرێکى شه‌رعى هه‌بێت, حه‌نه‌فیه‌کانیش وا ده‌ڵێن: ئه‌گه‌ر هاتوو جێگا نه‌بوو ته‌نها له‌دواى ریزه‌کانه‌وه نه‌بێت, چاکتر وایه به ته‌نیا نوێژه‌که‌ى بکات و که‌س رانه‌کێشێ بۆلاى خۆی... .