ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گریانی خواپه‌رستان
نووسینی....هارون نوح طه.....كتێبخانه‌ی محوی.....سوفیان ده‌ڵێ: ڕۆژێك له ڕۆژان ئیمامی (عمر)ی كوڕی عبدالعزیز له‌ناو خه‌ڵكدا دانیشتبوو خۆی بێ ده‌نگ كرد بوو – هیچ قسه‌ی نه‌ده‌كرد خه‌ڵكی گوتیان: ئه‌ی میری ئیمانداران بۆچی قسه‌ناكه‌یت؟
فه‌رمووی: بیرم له ئه‌هلی به‌هه‌شت ده‌كرده‌وه كه چۆن سه‌ردانی یه‌كتر ده‌كه‌ن ویه‌كتر ده‌بینن، هه‌روه‌ها بیرم له ئه‌هلی دۆزه‌خ ده‌كرده‌وه كه چۆن هاناو هاواریان به‌رز ده‌بێته‌وه ئینجا گریا.
- ڕۆژێك ئیمامی (عمر)ی كوڕی خه‌تاب به عوتبه‌ی كوڕی عامری گوت: (كه له‌و سه‌رده‌مه‌دا له هه‌موو كه‌س ده‌نگی خۆشتر بوو به قورئان خوێندنه‌وه) فه‌رمووی: وه‌ره سوڕه‌تی (برێ‌‌وه)م – التوبه – بۆ بخوێنه‌وه ئه‌ویش بۆی خوێندنه‌وه زۆر گریا فه‌رمووی: هه‌رگیز گومانم نه‌ده‌برد كه ئه‌و سوڕه‌ته‌دابه‌زی بێ
- عبدالله ی كوڕی ئیمامی (عمر) ڕه‌زای خوایان لێ بێت كاتێ كه له قورئان خوێندنه‌وه ئه‌گه‌یشتنه ئه‌و ئایه‌ته (الم یان للذین امنوا ان تخشع قلوبهم لذكر الله) واته: ئایا كاتی ئه‌وه نه‌هاتووه بۆ ئه‌وانه‌ی كه باوه‌ڕیان هێناوه دڵیان نه‌رم بێ بۆ یادی خوا؟
ئینجا له‌سه‌ر ئه‌و ئایه‌ته ڕاده‌وه‌ستا ئه‌وه‌نده ده‌گریا تاكو ڕیشی ته‌ڕده‌كرد به فرمێسكه‌كانی ده‌یگوت: به‌ڵی ئه‌ی خوایه كاتی هاتووه.
- محمدی كوڕی واسع ده‌ڵێ :
پیاوی وا هه‌بوو ماوه‌ی بیست (20) ساڵ ده‌گریا و خێزانیشی له‌گه‌ڵدا بووه نه‌یده‌هێلا خێزانی پێ بزانێ