ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خوا په‌رستی وتاعه‌تی ئیمامی احمد (ڕه‌حمه‌تی خوای لی بێت)
نووسینی....هارون نوح طه.....كتێبخانه‌ی محوی.......ابراهیم ی كوڕی هانئ ده‌ڵێ : هیچ كه‌سم نه‌بینوه به‌هێز و به ئارام تر له‌سه‌ر خوا په‌رستی و زوهد و خۆپارێزی له ئیمامی احمدی كوڕی احمد ئه‌و به‌ڕاستی له هه‌موو كه‌سێك زوهد و خواپه‌رستی زیاتر بوو، كاتێ كه له ترسی خه‌لیفه‌ی بغدا خۆی حه‌شار دابوو له ماڵی ابراهیم ی كوڕی هانئ – ده‌ڵێ: به‌ڕۆژ به‌ڕۆژو ده‌بوو به‌په‌له فتاری ده‌كرده‌وه، دوای نوێژی عیشا‌و چه‌ند ڕه‌كعه‌تێكی ده‌كرد وپاشان كه‌مێك ده‌خه‌وت، ئینجا هه‌ڵده‌ستا ده‌س نوێژی ده‌گرت، به‌رده‌وام نوێژی ده‌كرد تاكو به‌ره‌به‌یانی ئینجا به‌یه‌ك ڕه‌كعه‌ت نوێژی وه‌تری ده‌كرد، ئه‌مه نه‌ریتی بوو به‌درێژایی مانه‌وه‌ی له‌لای من، هه‌رگیز یه‌ك شه‌و نه‌مبینیوه كه شه‌وو نوێژ نه‌كات وشه‌وه‌كه‌ی به‌خه‌و بباته سه‌ر، من به‌خۆم ئه‌و هێزو توانایه‌م نه‌بوو له‌گه‌ڵی، وه‌هه‌رگیز نه‌مبینی به‌ڕۆژوو نه‌بێ ته‌نها ئه‌و ڕۆژه‌نه‌بێ كه حیجامه‌ی كرد و ڕۆژووه‌كه‌ی شكاند.
- صالح ی كوڕی ئیمامی احمد ده‌ڵێ :
باوكم هه‌میشه به‌ڕۆژوو بوو له ساڵدا وه‌ڕۆژووه‌كه‌ی ده‌گه‌یانده ئه‌ویتر له‌ماوه‌ی دومانگ له هه‌ر سێ ڕۆژێك به‌یه‌ك ده‌نكه‌خورما فتاری ده‌كرده‌وه له‌سه‌ر ئه‌وه مایه‌وه تاكو پانزه ڕۆژ، له هه‌موو سێ ڕۆژێك فتاری ده‌كرد و ه، پاشان فتاره‌كه‌ی كرده شه‌و بۆ شه‌و، ته‌نها یه‌ك كولێره‌ی ده‌خوارد.